RASMAN! Aleksandr Mochinov Istefoga chiqarildi

Bu natija esa tabiiy-ki, klub muxlislari va rahbarlarini aslo qoniqtirmaydi va shu sababdan jamoaga yangi “qon quyish “kerakligi yaqqol sezila boshlandi.

So'nggi 9-turda “Buxoro”  o'z maydonida Navoiyning “Qizilqum” jamoasiga 1:2 hisobida mag'lub bo'lganidan so'ng, jamoa rahbariyati bosh murabbiy Aleksandr Mochinovni istefoga chiqardi.

Bosh murabbiyga yaqindan yordam berib kelgan Anatoliy Kurlaevga ham chiqish eshiklari ko'rsatildi.

SHu tariqqa oliy liga jamoalari orasida ushbu mavsumda eng birinchilardan bo'lib “Buxoro” murabbiy almashtirishga majbur bo'ldi.

Biz Aleksandr Mochinovning qilgan barcha mehnatlari uchun minnatdorchilik bildiramiz va uning kelasi faoliyatiga omad va zafarlar tilab qolamiz.

Muxlislarni bir savol, jamoa boshqaruvini kim o'z qo'liga oladi degan savol qiynayotgan bo'lishi tabiiy. Kuni-kecha klub azolari va rahbariyat yig'ilish o'tkazib, jamoaning keyingi taqdiri to'g'risida oydinlik kiritildi.

Jamoada bosh murabbiyga yordam berib kelgan buxorolik mutaxasis, SHuhrat Faydiev vaqtinchalik bosh murabbiy vazifasini bajarishi belgilab qo'yiildi.

“Buxoro” futbolchilari 10-turga tayyorgarlikni allaqachon boshlab yuborishgan va mashg'ulotlarni aynan SHuxrat Fayziev olib bormoqda. Murabbiylar shtabida hozircha  boshqa hech qanday o'zgarishlar ro'y bergani yo'q.

Biz murabbiylar shtabi va futbolchilarga kelgusi o'yinlarda faqat omadlar tilab qolamiz va ishonamiz-ki, ular buxorolik sodiq va ashaddiy muxlislarga juda va juda uzoq kutilgan g'aolabani taqdim etadilar.

P.S: “Buxoro” navbatdagi tur uchrashuvini safarda, G'uzorning “SHo'rtan” klubiga qarshi o'tkazadi. Uchrashuv  23 may (SHanba) kuni bo'lib o'tadi.