Quvondiq Ro'ziev: “Ortda qolayotgan yil men uchun ajoyib o'tdi”

- Bilasizi ortda qolayotgan 2015 yil men uchun juda ham omadli kechdi. “Qo'qon-1912” safida o'ynab, etarlicha o'yin amaliyotiga ega bo'ldim. Qo'qonlik muxlislarning olqishiga sazovor bo'ldim. Asosiysi xalqning etiboridir. Ayniqsa g'alaba qozongan o'yinlarimizdan so'ng ko'plab ashaddiy ishqibozlarimiz tomonidan iliq fikrlarini eshitish yoqimli bo'ldi. Klub muvaffaqiyatlariga ozmi-ko'pmi o'z hissamni qo'sha oldim deb o'ylayman. SHuning uchun bemalol ayta olamanki, yakuniga etib borayotgan yildan ko'nglim to'ldi.

- Yangi yilni har galgidek oilam davrasida o'tkazaman. Yaxshi bilasiz o'zim Surxondaryolikman. Yaqinda olimpiya terma jamoamiz bilan BAAdan qaytib kelganimizdan so'ng men ham uyimga kelganman. Ayni damda ota onam va ukalarim bilan birgalikda bayramga tayyorgarlik ko'ryapmiz. Yangi yil bu – oilaviy bayram. Oddiy tarzda nishonlaymiz.

- Agarda Qorboboni uchratib qolsam, eng avvalo yurtimiz tinchligini so'rardim. SHuningdek milliy terma jamoamiz bilan jahon chempionatida ishtirok etishni istayman. Bu men uchun futbolchilikdagi eng katta orzularimdan biridir. Nasib qilsa bu niyatimga etaman.

- Fursatdan foydalanib, kirib kelayotgan 2016 yil bilan do'stlarimni, meni bilgan va tanigan insonlarni barcha-barchalarini tabriklayman. Yangi yil hammamiz uchun omadli kelishini so'rab qolaman.

Islombek Rustambekov.