Qozog'istonning O'zbekistonga qarshi o'yinlar uchun tarkibi

Har ikki bahs ham Nur-Sulton shahrida bo'lib o'tadi. Biroz avval Bahodir Ahmedov boshchiligidagi terma jamoamizning tarkibini chop etgan edik.

O'zbekiston futzal terma jamoasining Qozog'istonga ketgan tarkibi

Endi esa raqiblarning tarkibini ham taqdim etamiz. Bosh murabbiy Rikardo Kaka Qozog'iston terma jamoasining O'zbekistonga qarshi o'yinlari uchun 14 nafar futzalchini jalb qilgan.

Qozog'iston terma jamoasining O'zbekistonga qarshi tarkibi:

Darvozabonlar: Igita ("Kayrat"), Rauan Atantaev ("Nur-Sulton"); 

O'yinchilar: Birjan Orazov, CHingiz Esenamanov, Albert Akbalikov, Duglas (hammasi – "Kayrat"), Taynan ("El-Poso", Ispaniya), Arnold Knaub ("Dinamo Samara", Rossiya), Nurbek Karagulov ("Aktobe"), Jomart Tokaev, Bolat Sarbasov (ikkisi - "Atirau"), Ersulton Sagindikov ("Bayterek"), Rinat Turegazin ("Ayat"), Gaziz Nagashibay ("Raxmet").

Tarkibdagilardan Ersulton Sagindikov, Rinat Turegazin va Gaziz Nagashibaylar shu yilning 12 sentyabr - 3 oktyabr kunlari Litva mamlakatida o'tkazilgan futzal bo'yicha Jahon chempionatida qatnashmagan. Qo'shnilarimiz JCH-2021da to'rtinchi o'rinni qo'lga kiritishgan edi.

Eslatib o'tamiz, Qozog'iston va O'zbekiston terma jamoalari o'rtasidagi har ikkala o'rtoqlik o'yini Jaksilik Ushkempirov nomidagi yakkakurash saroyi (Nur-Sulton)da bo'lib o'tadi.