Qozog'istonlik o'zbek futbol funkcioneri Husanovning "Manchester Siti"ga o'tishi haqida fikr bildirdi

"SHuni takidlaymanki, men agent emasman va hech qachon agent bo'lmaganman. Mening vazifam futbolchini sport yo'nalishida qo'llab-quvvatlash va futbolchi uchun to'g'ri murabbiy hamda jamoalarni tanlashdir. Futbolchining agenti Gayrat Xasbiullin. 

SHu fursatdan foydalanib, O'FA rahbarlari Abdusalom Azizov, Ravshan Ermatov, Odil Ahmedov va PFL rahbari Diyor Imomxo'jaevga alohida rahmat. Ularning bevosita ishtirokida O'zbekiston U-17 terma jamoasi Jahon chempionatiga chiqdi, U-20 terma jamoasi Osiyo chempioni bo'ldi va Jahon chempionatiga yo'llanmani qo'lga kiritdi, Olimpiya terma jamoasi Olimpiadaga tarixiy yo'llanmani qo'lga kiritdi va milliy terma jamoa JCH saralashida muvaffaqiyatli odimlamoqda. Aynan mana shu omil evropalik skautlarning o'zbek futbolchilariga etibor qaratishlariga sabab bo'ldi. Bu insonlarga katta rahmat va mehnatlari uchun tazim qilaman.

O'zbekiston va qozog'istonlik futbolchilarni iliq kutib olgani uchun Belarus mamlakati va belarus xalqiga minnatdorlik bildiraman. Futbolchilarning rivojlanishida belaruslik murabbiylar Anatoliy Yurevich va Vladimir Belyavskiyning hissasi katta. 

Og'ir damlarda to'g'ri maslahatlar bergan va qo'llab-quvvatlagan ustozlarimiz Rustam aka Mirsodiqov, Marat aka va Aleksandr Azimovga katta rahmat aytmoqchiman. 

Bu bizning umumiy g'alabamiz bo'lib, futbolchilarimizga Evropada o'ynash va milliy terma jamoani xalqaro maydonda munosib himoya qilish imkonini bermoqda.

Abduqodir Husanovning transferi – bizning umumiy g'alabamiz. Umid qilamanki, bu O'zbekiston va Qozog'iston futboli rivojini yanada tezlashtiradi. Umid qilamanki, bu transfer qolgan futbolchilarimizning Evropa va xalqaro maydonda munosib ishtirok etishda davom etishlari, milliy terma jamoalarimiz safida yaxshi o'ynashlariga sabab bo'ladi", – dedi Asanbaev.