"Qo'qon-1912": Jamoaga ramziy-majoziy nom tanlandi

Ayniqsa bu mamlakatimizda urfga aylanib bormoqda. “SHerlar”, "Qaldirg'ochlar”, “Ajdarlar”, “Lochinlar”, “Burgutlar” kabi ramziy-majoziy nomlar muxlislarga bugungi kunda yaxshi tanish bo'lib ulgurdi. “Qo'qon-1912” futbol klubi ham asta-sekin professionallik sari odimlamoqda. Saytimiz orqali jamoa uchun ramziy-majoziy (laqab) nom tanlanayotganini va buning uchun ishqibozlar o'rtasida tanlov boshlangani xususida xabar bergandik.

SHundan so'ng elektron pochtamizga va klub ofisiga ko'plab murojaatlar bo'ldi. Biz esa ulardan atiga bittasini tanlab olishimiz lozim edi. Klub rahbariyati va kengash azolari bilan o'zaro maslahatlashgan xolda, “Qo'qon-shunqorlari” ramziy-majoziy nomiga to'xtaldik.

Ushbu yuzasidan klubimizga xat yozgan Muhammad Yahyoxon Dadaboev tanlov g'olibi deb topildi.

“Qo'qon-1912” professional futbol klubi uchun ramziy-majoziy nomlar loyihasida ishtirok etgan Qo'qon o'lkashunoslik muzeyining etakchi ilmiy xodimi bo'lgan 80 yoshli tarixchi olim, o'zining klub ofisiga yozgan xatida “Qo'qon-shunqorlari” ramziy-majoziy nomini izohlab keltirib o'tgan.

Unga ko'ra, “Qo'qon-shunqorlari” (Kokandskyy yastrebi) lochindan ham tez uchar bo'lgan qushning nomidir. 

SHu tariqa Muhammad Yahyoxon Dadaboev klub tomonidan o'tkazilgan loyiha g'olibi deb topilib, yaqin orada jamoa tomonidan mukofotlanadigan bo'ldi.