"Qo'qon-1912" yoshlari Bekobodda durang qayd etdi
05 iyu 2015 22:00
Yangiliklar
![](https://championat.asia/upload/storage/174480_original.jpg)
![](/upload/storage/174480_220.jpg)
"Qo'qon-1912" yoshlari Bekobodda durang qayd etdi
Muhsin Nizomiddinov boshqaruvidagi "Qo'qon-1912" yoshlar jamoasi Bekobodga safar uyushtirib, "Metallurg" yoshlari bilan kuch sinashdi. Joriy chempionatda hamon mag'lubiyatga uchramayotgan yosh qo'qonliklar ushbu yoqimli odimni mazkur turda ham davom ettirdi.
Aslida safardan durang emas, balki uch ochko bilan qaytishimiz ham mumkin edi. Boisi birinchi bo'limda futbolchilarimiz hisobni ochishga erishgandi. Aniqrog'i, 40-daqiqada o'ng qanotda mezbonlar o'yin qoidasini buzdi. Belgilangan jarima zarbasini Muhammadanas Hasanov aniq bajarib, uchrashuvda hisobni ochishga erishdi - 0:1.
Tanaffusga qadar hisob o'zgarmadi va shu tariqa jamoalar birinchi bo'limni yakunladi.
SHu kuni ob-havoning issiqligi ham futbolchilarga o'z tasirini o'tkazmasdan qolmadi. Ikkinchi bo'limda tabiiyki "Qo'qon-1912" hisobni saqlab qolish uchun, mezbonlar esa aksincha hisobni tenglashtirishga etibor qaratdi.
81-daqiqada "Metallurg" futbolchilari niyatiga etdi. Bu vaziyatda Abrorbek Toshqo'ziev chap qanotdan to'pni havolatib jarima maydoni ichiga oshirmoqchi bo'ldi, ammo kutilmaganda to'p darvoza tomon yo'l oldi, Ruslan Matniyozov esa to'pni qaytarishda xatoga yo'l qo'ydi - 1:1.
SHu tariqa yoshlarimiz tayyor g'alabani qo'ldan chiqarib, yakunda durangga imzo chekdi. Endi yoshlarimiz navbatdagi turda o'z maydonida "Neftchi" yoshlar jamoasini qabul qiladi. Mazkur uchrashuv 18 iyun kuni Qo'qonda bo'lib o'tadi.
Yoshlar ligasi-2015. 12-tur
05.06.2015. Bekobod "A.Anoxin" stadioni
"Metallurg" - "Qo'qon-1912" 1:1
Gol: A.Toshqo'ziev 81 - M.Hasanov 40
"Metallurg": 25.Timurbek To'ychiev, 3.Zufarjon Akbaraliev, 4.Mirzohid Mirsaidov, 5.Jasur Ahmedov (13.Javlon Mirabdullaev, 46), 6.Mansurjon Nuraliev, 7.Ulug'bek Xudoyorov, 10.SHoxnazar Norbekov, 17.Sardor Rasulov, 19.Abror Toshqo'ziev, 20.Sirojjon Toshpo'latov, 21.Sunnatilla Ermatov (15.Zuhrillo Boboev, 63).
"Qo'qon-1912": 1.Ruslan Matniyozov, 3.SHoxruh Xolmatov (c), 4.Oybek Rustamov, 6.Ravshan Haydarov (9.Ibrohim Usmonov, 89), 8.Nodirbek Qo'ziboev (7.Azamatjon Tursunov, 46), 10.Iqboljon Malikjonov, 14.Avazxon Mamatxo'jaev, 17.Ismoiljon Oxunjonov (11.Abduqahhor O'ktamov, 55), 21.Doston Meliqo'ziev, 22.Muhammadanas Hasanov (77.Dadaxon Sulaymonov, 87), 26.Qahramon Maxamadjonov.
Ogohlantirishlar: Ravshan Haydarov, 82.
![AMP Logo](https://championat.asia/image/logo-amp.png)
Fikrlar