"Qo'qon-1912" o'yinlariga yillik abonementlar chiqarildi

Bilasiz, qo'qonliklar muxlislik borasida Respublikada etakchi o'rinlarda turishadi. Klub rahbariyati muxlislarga qulaylik yaratish, chiptalar bilan muammoni oldini olish maqsadida "Qo'qon-1912" jamoasining 2015 yilgi uy uchrashuvlari uchun yillik abonementlarni tayerladi.

Abonementlar Qo'qon Markaziy o'yingohining plastmassa o'rindiqlar bilan jihozlangan markaziy sektorlarga chiqarildi. Endilikda 1ta abonement sotib olgan muxlis "Qo'qon-1912" jamoasining oliy liga doirasidagi 15ta va O'zbekiston kubogi doirasidagi bitta o'yinga o'zi uchun stadiondan qulay bo'lgan joyni "bron" qiladi. Yillik abonement narxi 160 000 so'm qilib belgilandi. Har bitta abonement nomerlangan bo'lib "Qo'qon-1912" klubida, Qo'qon shahar soliq idorasida hamda Qo'qon shahar ichki ishlar boshqarmasida ro'yxatga olinadi. Abonementlarni sohtalashtirishga uringan muxlislar qonunda belgilangan tartibda jazolanadilar. Abonementlarni sotib olish uchun Qo'qon Markaziy o'yingohiga murojaat qilish mumkin. Korxona va tashkilotlardan buyurtmalar ham qabul qilinadi.

A.Mamadaliev.