"Qo'qon-1912": "Neftchi" va "Navbahor" bilan o'ynaymiz

Ertalab murabbiylar asosan jismoniy tayyorgarlikka etibor qaratmoqda. Tushlikdan keyingi mashg'ulot esa “Markaziy” stadionda asosan to'p bilan ishlash bilan o'tmoqda. Murabbiylar shtabiga Vadim SHodimatovni qo'shilganini takidlab o'tish lozim. Faoliyati mobaynida asosan futbol akademiyalarida munosib ishlab, ko'pchilikni etiborini tortgan mutaxassis bungacha “Bunyodkor” akademiyasida ishlab kelayotgandi. Endilikda Vadim SHaxirjanovich “Qo'qon-1912”da ishlaydigan bo'ldi.

Tarkibda 30 nafarga yaqin futbolchi shug'ullanayotganini aytib o'tish lozim. Hozircha asosan mahalliy yoshlar va birinchi liga klublarida o'zini ko'rsatishga erishga futbolchilardir. Xususan Damir Nizanov (“Orol”), Sanjar Baratov (“Alanga”), Ilhom Jumanov (“Guliston”), Saydullo Rahmatov, SHoxruh Xolmatov (“Neftchi”) kabi o'yinchilar ayni damda jamoa mashg'ulotlarida ishtirok etmoqda. Murabbiylar ishonchini oqlagan o'yinchilar bilan shartnoma imzolanib bormoqda.  

Rejaga ko'ra, ushbu yig'in davomida ikkita sinov-nazorat o'yini o'tkaziladi. Yani 10 yanvar kuni Farg'onada “Neftchi” bilan uchrashuv tashkil etilsa, 14 yanvarda Qo'qondagi “Markaziy” stadionda “Navbahor” bilan kuch sinashiladi. Albatta mazkur o'yinlar orqali murabbiylar futbolchilarning imkoniyatlarini yana bir bor ko'zdan kechiradi va ayrimlari bilan xayrlashiladi.