"Qo'qon-1912": Nazorat uchrashuvidagi raqiblar malum

Qo'qonda yig'ilgan futbolchilar kecha bir mahal mashg'ulot bilan cheklanishdi. Bugundan mashg'ulotlar ikki mahalga kuchadi. Futbolchilarimiz Dang'ara tumanidagi stadionda shug'ullanishmoqda. Buning sababi “Markaziy” o'yingoh ayni damda mavsumga tayyorlanyapti.

Oldin xabar berib o'tganimizdek, Oliy liga birinchi turi oldidan vakillarimiz nazorat uchrashuvini o'tkazishni rejalashtirishgandi. 28 fevral kuni “Qo'qon-1912” jamoasi ikki tarkib bilan ikkita nazorat uchrashuvida ishtirok etadi.

SHu kuni asosiy tarkib vakillari Namanganda “Navbahor”ga qarshi maydonga tushishsa, ikkinchi tarkib Farg'ona viloyati chempioni va kubogi sohibi “FarDU-Futbol info” bilan o'ynaydi. Bu uchrashuv Dang'ara tumanidagi stadionda bo'lib o'tadi.