"Qo'qon-1912" - "Nasaf" uchrashuvi to'g'ridan-to'g'ri namoyish etilmaydi

Qo'qonda "Qo'qon-1912" jamoasi "Nasaf"ni qabul qiladi. Odatdagidek, ushbu bellashuv ham Sport telekanali orqali to'g'ridan-to'g'ri efirda namoyish etilishi kerak edi. Lekin, biroz avval Sport TVning ijtimoiy tarmoqlardagi sahifalarida uchrashuv texnik sabablarga ko'ra ertaga, 22 aprel kuni yozib olingan holda ko'rsatilishi haqida yozildi.

Vaziyatga yanada oydinlik kiritish maqsadida kanal xodimlari bilan aloqaga chiqdik va quyidagi javobni oldik: "Afsuski, mamlakatimizdagi hamma stadionlarda ham stadionlardan signal uzatadigan optik tolali kabel yo'q. Qo'qondagi stadion viloyat televideniyasidan uzoqda joylashgan. SHu sabab, bu yanada qiyinlashdi. Busiz ham to'lqin orqali jonli efirga chiqsa bo'ladi. Ammo, bunday qurilmalar soni sanoqli bo'lib, ular boshqa tadbirlarda band. MTRK va PFL klublar bilan bu borada amaliy ish olib boradi va nasib qilsa barcha stadionlar optik tolali kabel bilan qamrab olinadi", - deya javob berdi Sport telekanali xodimi.

"Qo'qon-1912" - "Nasaf" uchrashuvi Sport TVda ertaga, 22 aprel kuni yozib olingan holda namoyish etiladi.

Superliga. "Qo'qon-1912" - "Nasaf". Tarkiblar malum