Qo'qon-1912 muxlislar bilan uchrashuv o'tkazdi

Uchrashuv shuni ko'rsatdiki Qo'qonda chindan ham futbolni sevishadi,buni o'yingohga kelgan muxlislar sonidan ham bilsa bo'lar edi.

Uchrashuvda Qo'qon-1912  jamoasining 2-davraga tayyorgarligi va jamodan kimlar ketib, qaysi futbolchilar kelishgani hakida klub vice-prezidenti, bosh direktori Baxtier Tolipov muxlislar oldida chiqish qildilar. Klub rahbari jamoaning oldiga qo'ygan rejalarini muxlislarga bayon qilishi muxlislar tomonidan qarsaklar bilan kutib olindi.

SHundan so'ng jamoada bulgan o'zgarishlarga navbat keldi. Bundan buyon klubning marketing va matbuot xizmati bir bo'lim bo'lib uni Akramjon Mamadaliev boshqarishi muxlislarga malum qilindi. Klub matbuot kotibi etib esa jurnalist Abror Dehkonov tayinlandi.

Jamoa tarkibiga 2-davradan  yangi qo'shilgan futbolchilar Otabek Haydarov, Suhrob Qobilov, Ilhom Komilov, Aybek Nurboev va Asilbek Omonovlar muxlislarga tanishtirilib, ularga jamoa formalari taqdim qilindi. Yangi o'yinchilar muxlislarga o'zlarining to'p bilan ishlash mahoratlarini ko'rsatib berishdi. SHundan so'ng bu futbolchilar o'zlarining dastxatlari tushirilgan to'plarni muxlislarga sovg'a qilishdi.

Muxlislar nomidan so'zga chiqqan Yo'ldoshxon xoji ota  futbolchilarga 2-davrada omad tilab ulardan faqat g'alaba kutishlarini, muxlislar ham jamoani yanada qizg'in qo'llab-quvvatlashlarini takidlab o'tdilar. Yo'ldoshxon amaki barcha o'yinlarda g'alaba qo'qonliklar tomonida bo'lsin deya duo qildilar.
Uchrashuv yakunlangach Qo'qon-1912 jamoasi futbolchilari muxlislar ko'z o'ngida mashg'ulot o'tkazishdi. Biz sizlarga bu uchrashuvdan foto va video lavhalarni albatta taqdim qilamiz.