"Qo'qon-1912": Jamshid Hasanov keldi, Otabek Zokirov ketdi
11 jan 2017 07:48
Yangiliklar

"Qo'qon-1912": Jamshid Hasanov keldi, Otabek Zokirov ketdi

Ikkinchi yig'in boshlanganiga ham bir haftadan oshiq vaqt bo'lib qoldi. Bu davr oralig'ida jamoamiz azolari mashg'ulotlarda astoydil ter tukish bilan birga nazorat uchrashuvida ham ishtirok etishga ulgurishdi.

Futbolchilari kuniga ikki mahaldan mashg'ulot o'tkazilayotgani takidlash joiz. Tarkibdagi o'zgarishlarga kelsak, safga yana bir yangi o'yinchi kelib qo'shildi. O'tgan mavsumni Muborakning “Mashal” jamoasi o'tkazgan Jamshid Hasanov tarkibga kelib qo'shildi. Ushbu yarim himoyachi bilan jamoa o'rtasida bir yillik bitim imzolandi.

SHuningdek mashg'ulotlarga yoshlar tarkibidan Doston Meliqo'ziev hamda Abror Rahmonovlar ham jalb qilindi. Bu esa jamoada yosh futbolchilarga bo'lgan etibor yuqori ekanligidan dalolat beradi.

Javohir Sidiqov salomatligini tiklab mashg'ulotlarga astoydil kirishdi.

Aytgancha, jamoa Otabek Zokirov bilan do'stona xayrlashdi. Otabek Navoiyning “Qizilqum” jamoasiga borib qo'shildi. Ketishidan oldin Otabek Zokirov jamoa rahbariyatiga va muxlislarga o'zining cheksiz minnatdorchiligini izhor qilishimizni iltimos qildi.

Biz ham o'z navbatida Otabek Zokirovning kelgusi faoliyatida omad tilab qolamiz.

SHuningdek, Jamoa navbatdagi nazorat uchrashuvini 14 yanvar kuni Bekobodning “Metallurg” jamoasiga qarshi o'tkazadi. Uchrashuv “Bunyodkor” akademiyasiga qarashli maydonda o'tkaziladi. O'yinning boshlanish vaqti soat 12:00 ga belgilangan.

Eslatib o'tamiz, "Qo'qon-1912" 8 yanvar kuni birinchi o'rtoqlik uchrashuvida “Paxtakor”ga qarshi maydonga tushib, 1:2 hisobida mag'lubiyatga uchrashgandi.

Havola :

Manba : kokand1912.uz

Yangiliklarni Telegramda o'qing!

Reyting: +3