“Qo'qon-1912” faxriylari Farg'onadagi turnir g'olibi!

Farg'ona viloyat hokimligi, viloyat mini-futbol assosiaciyasi va “Real futbol professional klubi” MCHJ hamkorligida tashkil etilgan musobaqada sakkizta jamoa olimpiya tizimida o'zaro kurash olib borishdi.

Birinchi bo'lib “Qo'qon-1912” va Namangan viloyatidan tashrif buyurgan faxriylar maydonga tushishdi. Qiziqarli va keskin kurashlar boy tarzda bo'lib o'tgan uchrashuvning asosiy vaqti 3:3 hisobida intiho topdi. Penalti seriyasida esa qo'qonlik faxriylar g'olib chiqishdi.

Ikkinchi o'yinda “Neftchi” va “Istiqlol” faxriylari to'pi surishdi. Mazkur bahsda farg'onaliklar 3:2 hisobida raqibdan ustun kelishdi.

CHimyon tumanidan tashrif buyurgan faxriylar va Marg'ilonning “Omad” jamoalari ham birinchi bosqichda g'alabaga erishib, yarim finalga yo'l olishdi.

Yarim finalning birinchi uchrashuvda “Neftchi” va CHimyon farxiylari maydonga tushishdi. O'yining asosiy vaqtida 4:4 hisobi qayd etildi. Penaltilar seriyasida esa farg'onaliklarga omad kulib boqdi.

Ikkinchi yarim finalda “Qo'qon-1912” faxriylari “Omad” faxriylariga qarshi to'p surishdi. Ushbu bahsning asosiy vaqti ham 4:4 hisobida yakun topdi. Penaltilar seriyasida qo'qonliklar raqibdan ustun kelishdi.

Turnir finalida “Neftchi” – “Qo'qon-1912” jamoalarining faxriy futbolchilari bellashdilar.

Musobaqada “Neftchi” PFK bosh direktori Rustam Abdullaev, bosh murabbiy Andrey Fyodorov, murabbiylar shtabi vakillari: Abdusamad Do'rmonov, Sergey Lebedev hamda Bahodir SHamshiddinov, G'ayrat Rayimjonov, taniqli sobiq hakam Sulton Zaylobiddinov, sobiq futbolchi Igor Burovlar ham “Neftchi” jamoasi nomi ostida o'z ishtiroklarini taminlashdi. SHu qatori “Xotira va qadrlash kuni”ga bag'ishlangan turnirda sobiq o'yinchilar, yaqin o'tmishning taniqli futbol vakillarini ham uchratish mumkin bo'ldi.

Qiziqarli va gollarga boy o'tgan bahsda “Qo'qon-1912” jamoasi faxriy futbolchilari 9:4 hisobida g'alaba qozonib, turnirning bosh sovriniga ega chiqishdi.

"Neftchi" va "Qo'qon-1912" matbuot xizmati