"Qo'qon-1912": Bolajonlarga prezident sovg'alari topshirildi
30 dek 2017 20:41
Yangiliklar

"Qo'qon-1912": Bolajonlarga prezident sovg'alari topshirildi

Teglar : Qo'qon-1912

Qo'qon shahridagi 51-sonli maktabgacha talim muassasasida, “Qo'qon-1912” futbol klubi qoshidagi “Jajji shunqorlar” futbol guruhlari tashkil etilgan.

Kuni kecha talim maskaniga bolajonlarga atalgan “Prezident sovg'asi” etib keldi.

51-sonli talim muassasasida yangi yilga bag'ishlangan bayram tadbiri uyushtirildi. Tadbirda ota-onalar, mahalla faollari hamda “Qo'qon-1912” jamoasining murabbiy va futbolchilari ishtirok etishdi. Davlatimiz rahbarining bolajonlarga atalgan sovg'asi barcha bolajonlar va ularning murabbiylarini xursand qilib yubordi.

Sovg'alarni bolalarga o'zlari sevgan futbolchilari topshirishlari esa ularning xursandchiliklarini ikki hissa oshirdi. Tadbirda ishtirok etgan jamoamiz katta murabbiyi Aziz To'xtaboev hamda futbolchilar Jalil Kimsanov, Sobir Hamidovlar bolajonlarni yangi yil bilan qutlab, ulardan kelajakda vatanimiz ravnaqiga hissa qo'shadigan buyuk insonlar etishib chiqishiga umid bildirdilar.

Bayram bolajonlarning sho'x-shodon raqslari va qo'shiqlari bilan yanada fayzli o'tdi.