"Qo'qon-1912": Bir kishi kam bo'lib "Paxtakor"ga yutqazdik

Birinchi bo'limning 28-daqiqasida Suhrob Berdievning burchakdan oshirgan to'pini Jalil Kimsanov boshi bilan Lobanov darvozasiga joylab qo'ydi va hisobni ochdi.

Birinchi bo'lim yakunlanishi arafasida “Paxtakorchilar” javob to'pini kiritishdi. Igor Sergeev darvozabonimiz bilan birga-bir vaziyatga chiqib bordi va vaziyatdan unumli foydalandi. Hisob 1:1.

SHuningdek, taym oxirida vakillarimiz bir kishi kam bo'lib qolishdi. Uchrashuvda hisobni ochishga muvaffaq bo'lgan Jalil Kimsanovga hakam ikkinchi sariq kartochkani va qizil kartochkani ko'rsatdi.

O'yinda “SHerlar” jangovor tarkibda harakat qilishganini takidlash joiz. “Paxtakor” safida maydonga tushgan ko'plab futbolchilar O'zbekiston milliy terma jamoasi azosi sanalishadi. SHu bois vakillarimiz O'zbekiston terma jamoasi bilan o'ynadi deyish ham mumkin.

Birinchi taymda deyarli O'zbekiston milliy  terma jamoasiga qarshi juda yaxshi o'yin ko'rsatdik.

Toshkentliklar tarkibida ko'rikda bo'lib turgan serbiyalik himoyachi Mario Maslach asosiy tarkibda maydonga tushdi.

Ikkinchi taymda toshkentliklar hisobda oldinga chiqishdi. “Paxtakor”ning ikkinchi goliga ham Sergeev mualliflik qildi.

“SHerlar” uchrashuvning ikkinchi qismining yarmida barcha futbolchilarni almashtirishdi. Bizning jamoada ham o'zgarishlar bo'ldi. Darvoqe, Maruf Zokirjonov yana jamoaga qaytdi. Maruf ikkinchi taymda maydonga tushdi.

Bugun Ibrohim Rahimov va Javohir Sidiqovlar sog'ligidagi muammolar sababli maydonga tushishmadi.

Qolgan daqiqalarda futbolchilarimizda bir qator vaziyatlar vujudga kelganiga qaramay, hisobni o'zgarita olmadik. Natijada bir kishi kam bo'lib “Paxtakor”ga kichik hisobda yutqazdik.

Nazorat uchrashuvi

“Paxtakor” – “Qo'qon-1912” – 2:1 (1:1)

Bosh hakam: Jasur Muxtorov.

Gollar: Igor Sergeev – 2 ta. – Jalil Kimsanov,

Paxtakor: Aleksandr Lobanov, Stanislav Andreev, Mario Maslach, Akbar Ismatullaev, Davron Hoshimov, Azim Ahmedov, Javohir Sohibov, Jaloliddin Masharipov, Jamshid Iskanderov, SHerzod Karimov, Igor Sergeev.

Qo'qon-1912: Aziz Ashurov, Jalil Kimsanov, Akmal Xolmurodov, SHoxrux Xolmatov, Oybek Rustamov, Avaz Mamatxo'jaev, Bahodir Akramov, Sobir Hamidov, Orif Mamajonov, Suhrob Berdiev, Nosir Otaqo'ziev.

Zaxira: Nikita Ribkin, Iqbol Malikjonov, Ismoil Oxunjonov, Muhammadanas Hasanov, Andrey Sidorov, Maruf Zokirjonov, Islom Abdullaev.