"Qo'qon-1912": 2015 yilgi mavsumda 12-o'rin
22 noy 2015 08:26
Yangiliklar
![](https://championat.asia/upload/storage/189235_original.jpg)
![](/upload/storage/189235_220.jpg)
"Qo'qon-1912": 2015 yilgi mavsumda 12-o'rin
Jamoamiz uchun chempionat bahslari ikki xil o'tdi, deyish mumkin. Birinchi davrada qo'qonliklar 11 ochko jamg'arishgan bo'lishsa, ikkinchi davrada ochkolar soni 20 tani tashkil etdi.
30 turdan keyingi statistik holat: 9 g'alaba, 4 durang, 17 ta mag'lubiyat. To'plar nisbati: 31-52. Ochko: 31. O'z maydonimizdagi ko'rsatkich 6 g'alaba uch durang va 6 mag'lubiyat. Safardagi ko'rsatkich: 3 g'alaba bir durang va 11 mag'lubiyat. Eng qizig'i, chempionlik uchun kurash olib borgan jamoalar Qo'qonda qimmatli ochkolarini yo'qotishdi. Birinchi davrada “Paxtakor” bilan 2:2 o'ynagan bo'lsak, ikkinchi davrada xuddi shunday hisob “Lokomotiv” bilan bo'lgan uchrashuvda qayd etildi.
SHuningdek, mavsum 2015 da jamoamiz tarixiy g'alabaga erishdi. Aniqrog'i, Farg'onada “Neftchi”ni kichik hisobda engib, o'zaro o'yinlardagi g'alabasiz seriyaga barham berildi. Nosir Otaqo'ziev, Igor Golban, Quvondiq Ro'ziev, Doniyor Usmonov, Sardor Eminov, Jalil Kimsanov, Aziz Ashurov, Otabek Haydarov, Bahodir Akramov, Ilya Ilin, Aleksey Nikolaev kabi o'yinchilar mavsumni ko'tarinki ruhda o'tkazishdi. Debyutant bo'lishiga qaramay, “Qo'qon-1912” safida ikki nafar xorijlik legioner futbolchilar to'p surdi. Bular, Vladimir Argun va Igor Golban. Birinchi davrada jamoamizni Vladimir Argun, Izzatbek G'aniev, Xurshid Muxtorov, Qahramon Muhammadjonovlar tark etishgan. Davralar oralig'idagi tanaffus chog'ida safimizga Otabek Haydarov, Oybek Nurboev, Suhrob Qobilov, Ilhom Komilov va Asilbek Omonovlar kelib qo'shilishdi.
Umuman olganda, “Qo'qon-1912” jamoasining chempionatdagi ishtirokini yaxshi baholash mumkin. Jamoamizda so'nggi tur oldidan o'zgarish sodir bo'lganini ham aytib o'tish joiz. 29-turdagi “So'g'diyona” bilan bo'lgan o'yindan keyin Rustam Abdullaev vazifasidan ozod etildi. Ayni damda yangi mavsumda jamoani kim boshqarishi borasida muzokaralar davom etmoqda. Eslatib o'tamiz, jamoamiz keyingi mavsumga tayyorgarlikni 19 dekabrdan boshlaydi.
Aytgancha, butun mavsum davomida jamoamizni qo'llab-quvvatlab ketgan fidoyi muxlislarga o'z minnatdorchiligimizni izhor etamiz. Jamoamizning g'alabalarida ularning ham hisssalari katta.
O’xshash yangiliklar
![AMP Logo](https://championat.asia/image/logo-amp.png)
Fikrlar