Qatarga borish yo'lida 2-turdan keyingi vaziyat qanday?

3-turdan avval Iordaniya o'zi uchun Qatar masalasini hal qildi deb aytishimiz mumkin. Guruh favoritining hisobida 6 ochko va 9:0 to'plar nisbati. 

Quvayt esa hozircha "osilib" turibdi. Ertaga bo'lib o'tadigan o'yinda ularni faqat g'alaba qanoatlantiradi. Durang O'zbekiston yoshlar terma jamoasining foydasiga. Agar Iordaniya bu o'yinda ikkinchi tarkibi bilan ishtirok etsa va mag'lubiyatga uchrasa Quvaytni o'zi bilan Osiyo chempionatiga olib chiqqan bo'ladi. Har qanday hisobdagi g'alaba Quvaytni guruhda birinchi o'ringa olib chiqadi. Iordaniya 4:0 hisobida mag'lubiyaga uchragan taqdirda ham to'plar nisbati +5 bo'ladi va bizdagi qizil kartochka tufayli Rio-2016 sari yurishini davom ettira oladi. Ikkita yo'lga ko'ra O'zbekiston yoshlar terma jamoasi Osiyo chempionatiga chiqishi mumkin:

1. Iordaniya - Quvayt o'yini durang bilan tugashi. Bu holatda Quvayt guruhda qolib ketadi.

2. Iordaniya Quvaytga 5:0 hisobida mag'lubiyatga uchrashi. Bunisida esa Iordaniya yo'llanmani qo'ldan boy beradi.

Hindiston mo'jizasi yodingizdami? Demak, ertani kutamiz... Ha aytganday, Ertaga Iordaniya bizning foydamizga xizmat qiluvchi natija uchun maydonga chiqish ehtimoli katta. Agar haqiqatdan ham shunday bo'lsa biz ulardan albatta minnatdor bo'lamiz, ammo undan keyin olimpiya terma jamoamizga qadamini o'ylab bosishni taklif qilamiz. 

Avval chiqib olaylik, keyin bir fikr bor....