Qarshida "Kamoliddin Kenjaevga yordam beramiz” xayriya akciyasi boshlandi!

Qarshi shahridagi "Geolog" sport majmuasi zalida Kamoliddin Kenjaevga bag'ishlangan xayriya akciya bo'lib o'tmoqda. Unda bir qator "Nasaf" jamoasining sobiq futbolchilari, xususan Kamoliddin Kenjaev bilan birga to'p tepgan futbolchilar: Pyotr Gizimchuk, Davron Fayziev, Botir Qoraev,
Vali Keldiev, Ro'ziqul Berdiev, Nurali Sultonov, SHuhrat Toshpo'latov, Bahrom Haydarov, Konstantin Boev, Dilshod Mavlonov va Zafar Xolmurodov kabi futbolchilar tashrif buyurishgan.

Tadbirni Qashqadaryolik taniqli sharhlovchi Husan Temirov boshlab berdi. Dastavval Qashqadaryo viloyat hokimi maslahatchisi Mamatqul Rajabov so'zga chiqdi va Kamoliddin Kenjaevga yaxshi tilaklar bildirib, tadbirni ochib berdi. 

SHuningdek, tadbirga tashrif buyurgan Qashqadaryolik xushovoz xonanda Alijon Isoqov o'z musiqalari bilan barchani xushnud etdi.

SHundan so'ng "Nasaf" futbol maktabining  2005-2006 yilda tug'ilgan tarbiyalanuvchilari o'zaro kuch sinashishdi va zalga yig'ilgan ishqibozlarga chiroyli futbol bellashuvini taqdim etib berishdi. 

Yana birozdan so'ng Kamoliddin Kenjaevning do'stlaridan tashkil topgan "Nasaf-2006" jamoasi "Qashqadaryo futbol yulduzlari"ga qarshi maydonga tushishadi.

Bu haqida ham malumot berib boramiz.