Qarshida bugun katta futbol bayrami (FOTO)

Ro'ziqul Berdiev boshchiligidagi "Nasaf" jamoasi Osiyo chempionlar ligasi doirasida Eronning "Traktorsozi" jamoasiga qarshi o'yinda maydonga tushadi. Qarshi shahrida ushbu bellashuvga bo'lgan qiziqish yuqori darajada. Uchrashuvdan ikki kun ilgari yog'gan qalin qor hozirda erib ulgurmoqda. Stadion mamuriyati esa kechaning o'zida maydonni qordan tozalab, o'yinga shay holatga keltirishga harakat qilishdi. Ayni paytda maydonning holatini ideal darajada deya olmaymiz. Ammo futbol o'ynasa bo'ladi. O'yindan oldin tashkil etilgan matbuot anjumanida ham har ikkala jamoa bosh murabbiylari bugungi bahsda chiroyli futbol ko'rsatishga vada berishmadi. Sababi esa aniq. Noqulay kelgan ob-havo tufayli maydon etarlicha zararlangan va bu narsa futbolchilarning harakatlariga o'z tasirini ko'rsatishi tabiiy. Bugun erta tongda ham bir muddat qor yog'ib o'tdi va ayni paytda qor to'xtagan. Lekin o'yin paytida ham qor yog'ishi kutilmoqda.

Agarda uchrashuv davomida qor yog'adigan bo'lsa, unda jamoalar o'yinni qizil to'pda o'tkazishlari mumkin.

Hozirgacha taxminan 35-40% chiptalar sotib bo'lingan.











Nima bo'lgan taqdirda ham bugun "Nasaf" jamoasiga katta zafarlar va omad yor bo'lishini tilab qolamiz! Umid qilamizki, "ajdarlar" bugun vatanimiz nomini munosib himoya qilib, muxlislarga g'alabani taqdim etishadi.

SHahboz Beg'amov