Promes & Ananidze va Smolov & Ari tandemlarining "parvozi"

Amaldagi chempion CSKA jamoasi chempionatni "Anji"ga qarshi mehmondagi bahs bilan boshladi.
Leonid Sluckiy boshqaruvidagi "harbiylar" "Anji"ga qarshi o'yinda g'alaba qozonishni uddalay olmadilar. Bellashuvda katta ustunlik CSKA tarafida bo'lgan bo'lsada, "Anji" o'z darvozasi daxlsizligini saqlay olishga erishdi.
Traoreda gol urish uchun ko'plab vaziyatlar yuzaga kelgandi. Ammo CSKAning yangi futbolchisi shu kuni o'z maqsadiga erisha olmadi.

Turning markaziy to'qnashuvi so'zsiz "Zenit" hamda "Lokomotiv" o'rtasida kechdi. Bu o'yinda ham nursiz durang qayd etildi.
Luchesku boshqaruvidagi "Zenit" o'z maydonida hamyurtimiz Vitaliy Denisov to'p tepadigan "temiryo'lchilar" bilan murosa ko'chasini tanlashdi.
Denisov ushbu bahsda to'liq o'ynadi va Kokorinni zararsizlantirishni uddasidan chiqdi.

O'tgan mavsumda shov-shuv ko'targan "Rostov" jamoasi o'z maydonida quyi ligadan premer ligaga yo'l olgan "Orenburg"ni qabul qildi.
Bu uchrashuvda "Rostov" himoyachisi Novoselcevning yagona goli Qurbon Berdiev jamoasiga muhim 3 ochkoni taqdim etdi.
SHu kuni "Orenburg" safida hamyurtimiz Vadim Afonin harakat to'liq o'ynadi.

Dmitriy Alenichev bosh murabbiyligidagi "Spartak" jamoasi mavsumni "Arsenal Tula" ustidan ishonchli va yirik hisobdagi g'alaba bilan boshladi.
Ananidze va Promesning dubli moskvaliklarga ajoyib g'alabani taqdim etdi. "Spartak" nihoyat ushbu mavsumda yuqoir "cho'qqi" - chempionlikni ko'zlayotganiga shama qilgandek. Promes hamda Ananidze ushbu sermaxsullikni butun chempionat davomida ko'rsata olishsa, Alenichev shogirdlari ko'p yillik orzuni ruyobga chiqarishlari mumkin.

"Krasnodar" jamoasi ham chempionatni alo kayfiyat bilan boshlab oldi. Kononov shogirdlariga "Tom" jamoasi raqiblik qildi.
Fyodor Smolov hamda Arining gollari "Krasnodar"ga yirik g'alabani taqdim etdi.
Ushbu uchrashuvda hamyurtimiz Odil Ahmedov zaxiradan maydonga tushdi.

SHuningdek, chempionatni dastlabki turida "Terek" "Krilya Sovetov" ustidan g'alaba qozongan bo'lsa, "Ural" o'z uyida "Ufa"ga imkoniyat qoldirmadi. "Rubin" hamda "Amkar" o'rtasidagi bellashuvda esa hisob ochilmadi.



Rossiya chempionatining birinchi tur o'yinlarining hech birida mehmon jamoa azolari gol urishni uddasidan chiqa olishmadi.

1-tur gollarga boy tarzda kechmadi. Ko'plab uchrashuvlarda 0:0 hisobi qayd etilgan bo'lsa, bazi bahslarda birgina gol o'yin taqdirini hal etdi.
Faqatniga "Spartak" hamda "Krasnodar"ning samaradorligi evaziga ushbu ko'rsatkich biroz yaxshilandi.
Rossiya premer ligasining 1-turida jami 11ta gol kiritildi.

Rossiya chempionati, 1-tur. Turnir jadvali