PRO-liga. "Istiqlol" "SHo'rtan" bilan bahsda "kambek" amalga oshirdi

O'yinning dastlabki daqiqalarini jamoalar bir-birlarini o'rganish bilan o'tkazdilar. Goh "SHo'rtan" vakillari, goh "Istiqlol" vakillari xavfli vaziyatlar yaratishga urinishdi. O'yinning 23-daqiqasida qarshi hujumdan unumli foydanlangan Islom Boysariev ikki himoyachidan ustun kelib hisobni ochdi - 0:1. Uchrashuvda mezbonlar o'zlariga o'xshashmadi. Balki "Surxon"dagi mag'lubiyat o'z tasirini ko'rsatgandir.

O'yinning ikkinchi bo'limida "Istiqlol" juda katta o'zgarishlarga qo'l urdi. 56-daqiqada Elyor Akbarov uch himoyachini ortda qoldirib ketayotgan vaziyatda raqiblar uni to'xtatib qolishdi va penalti belgilandi. Zaxiradan maydonga tushgan Timur Tolipov hisobni tenglashtirdi - 1:1. O'yinda "Istiqlol" vakillaridan Rustam Abduhamidov hargalgidek ajralib turdi. 70-daqiqada Abduhamidov o'z qanotidan reyd amalga oshirib yaqinroq bo'lgan masofadan to'pni sheriklariga etkazib berishga harakat qildi, Obid Jo'raboev esa bu vaziyatda o'z darvozasini ishg'ol qilib qo'ydi - 2:1.

Qolgan vaqt esa juda qiziq o'tdi. To'qnashuvlar, bahsli vaziyatlar ko'p kuzatila boshladi. "Istiqlol" vakillari qarshi hujumga o'tib olishdi. Bir necha qulay imkoniyatlar qo'ldan boy berildi. "SHo'rtan" vakillari esa hisobni tenglashtirishning uddasidan chiqa olishmadi.

“Istiqlol” – “SHo'rtan” 2:1
Hakamlar: Akobirxo'ja SHukurullaev, Rasul Fozilov, Maksim Nexochin.
Nazoratchi: Baxtiyor Tog'aev.

Gollar: Timur Tolipov (pen) 57, Obid Jo'raboev 70 - Ilhom Boysariev 23.

Ogohlantirishlar: Sanjar Asqaraliev 38, Aziz Madaliev 82 - Otabek Narzullaev 38. Obid Jo'raboev 56.

“Istiqlol”: 1. Eldor Isaboev, 3. Iqbol Boboxonov, 4. Jasur Ermamatov, 5. Abduxoliq Qurbonov (S), 7. Rizo Ayvazov, 8. Sardor Sotvoldiev, 10. Elyor Akbarov, 11. SHerdor To'xtasinov, 13. Temur Sultonov, 14. Rustam Abduhamidov, 23. Sanjar Asqaraliev.
Zaxira: 12. Nodir Ashurmatov, 2. Aziz Madaliev, 9. Jahongir Dadaboev, 15. Bobur Aminjonov, 18. Abdulaziz Yoqubov, 19. Temur Tolipov, 22. Sardor Telyakov.

“SHo'rtan”: 25. Alibek Turobov, 3. Muhammadali Aliqulov, 6. Xolmurod Xolmurodov, 7. Olimjon Karimov, 8. Sirojiddin Rahmatullaev, 11. Jasur Xolto'raev, 17. G'ulom Rahmonov, 21. Islom Boysariev, 22. Og'abek Erkinov, 77. Otabek Narzullaev (S), 86. Obid Jo'raboev.
Zaxira: 30. Temur Jo'raev, 9. Kenja To'raev, 10. Marufxon Murodov, 14. Jonibek Mirzaqulov, 19. Muhammadali Abdurahmonov, 23. SHahzod Xursanov, 24. Nurbek Yo'ldoshev

Behruz Xoliqov