PRO-Liga “A” guruhi. To'purarlar poygasida nima gap?

Ayni damga kelib nafaqat turnir jadvalida balki to'purarlar poygasida ham o'ziga yarasha intriga yuzaga kelgan. Xususan, “Andijon”ning 7-raqamli hujumchisi SHahboz Jumaboev o'z aktiviga 14ta gol yozdirib qo'yib, bu borada peshqadamlik qilmoqda.

Etiborlisi uning ortidan “burgutlar”ning yana bir hujumchisi Davron Isoqov ham quvib kelmoqda. 29 yoshli hujumchining hisobida hozircha 11ta gol mavjud.

Avvalgi mavsumlarda ham to'purarlik mahoratini namoyish etgan qoraqalpog'istonlik forvard Navro'z Haipov 33-tur o'yinida “SHo'rtan” darvozasiga 2ta to'p kiritib, gollari sonini 11taga etkazib olishga muvaffaq bo'ldi. Ahamiyatlisi Haipov shundan 5tasini penaltidan kiritgan.

SHuningdek yana 4ta futbolchida 10ta gol mavjud. Tabiiyki ular ham joriy mavsum PRO-Liga to'purari bo'lishga urinib ko'rishi turgan gap.

Ko'ramiz, bu borada kimning ko'proq omadi chopar ekan.