PRO-Liga, “A” guruhi. 6-turda eng ko'p muxlis Termizda

Futbol eng avvalo muxlislar uchun o'ynaladi. SHu bois ishqibozlarni stadionga jalb etish borasida bugungi kunda keng ko'lamdagi ishlar olib borilmoqda. 6-turga kelib, bu borada biroz bo'lsada ijobiy o'zgarishni ko'rish mumkin. Sababi chorshanba kuni bo'lib o'tgan 4ta o'yinga jami 10637 nafar tomoshabin tashrif buyurgan. Bu avvalgi turlarga nisbatan yaxshiroq ko'rsatkich bo'ldi. Har bir uchrashuvga o'rtacha 2 659 nafar muxlis demakdir.

Eng ko'p ishqiboz kirgan uchrashuv deya “Surxon” – “Dinamo” bahsini ko'rsatish mumkin. Termizdagi “Alpomish” stadionida bo'lib o'tgan turning markaziy o'yinni 4 802 ta tomoshabin bevosita kuzatib bordi.

Aksincha xolat esa Urganchda kuzatildi. “Xorazm” bilan o'yinga garchi o'tgan yili oliy ligada ishtirok etgan mamlakatimizning nomdor jamoasi “Mashal” tashrif buyurgan bo'lsada, mahalliy ishqibozlarning qiziqishi u qadar yuqori bo'lmadi. CHorshanba kuni “Yoshlik” o'yingohiga atiga 912 nafar ishqiboz tashrif buyurdi xolos.

Tomoshabinlar tashrifi kimda qanday?

“XORAZM” – “MASH'AL” – 2:2 (2:0).
Urganch shahri. “Yoshlik” stadioni. 912 tomoshabin.

“SURXON” – “DINAMO” – 2:1 (1:0).
Termiz shahri. “Alpomish” stadioni. 4802 tomoshabin.

“SHO'RTAN” – NORIN” -  1:2 (1:2).
G'uzor shahri. “Markaziy” stadion. 2723 tomoshabin.

“OROL” – “ANDIJON” – 1:2 (1:1).
Nukus shahri. “Turon” stadioni. 2200 tomoshabin.