PRO-Liga, “A” guruhi. 10-turda eng ko'p muxlis Andijonda

Futbol eng avvalo muxlislar uchun o'ynaladi. Ammo PRO-Ligada ishqibozlarning tashrifi ancha kamayib bormoqda. Boz ustiga Ramazon oyida muxlislarning stadionga kelishi nisbatan pasayib ketdi.

Xususan, 10-turning 4ta o'yiniga jami 7 175ta muxlis qadam ranjida qildi. Bu esa har bir o'yinga o'rtacha 1 793 nafar tomoshabin demakdir.

Eng ko'p muxlis yana Andijondagi “Sog'lom avlod” stadioniga tashrif buyurdi. Turning markaziy o'yini bo'lmish – “Andijon” – “Dinamo” bahsini bevosita 2861 nafar tomoshabin kuzatib borgan. Garchi bu raqamlar turning eng yuqori ko'rsatkichi bo'lsada, Andijon uchun oz deyish mumkin. Negaki, yaxshi bilamiz ilgari “Andijon”ning uy o'yinlariga 10 000dan kam muxlis kirmasdi. Jamoa quyi ligaga ravona bo'lgach, tomoshabinlarning ham hafsalasi sovugani aniq.

10-turda eng kam muxlis G'uzordagi o'yinda kuzatildi. “SHo'rtan” – “Istiqlol” bahsini atiga 513ta tomoshabin stadionning o'zida ko'rib bordi.

Tomoshabinlar tashrifi kimda qanday?
“ANDIJON” – “DINAMO” - 3:1 (2:0).
Andijon shahri. “Sog'lom avlod” stadioni. 2861 tomoshabin.
“OROL” – “MASH'AL” - 0:1 (0:1).
Nukus shahri. “Turon” stadioni. 2411 tomoshabin.
“SHO'RTAN” – “ISTIQLOL” - 2:0 (2:0).
G'uzor shahri. “G'uzor” stadioni. 513 tomoshabin.
“SURXON” – “XORAZM” - 4:1 (2:0).
Termiz shahri. “Alpomish” stadioni. 1390 tomoshabin.