Prevyu. "So'g'diyona" - "Qizilqum"

So'g'diyona (Jizzax) – Qizilqum (Navoiy)
2 avgust 2015 yil. Jizzax. "Jizzax" stadioni. 19:00
Hakamlar: B. Namozov (Toshkent), A. Capenko (Toshkent vil.), A. Kalinin (Qarshi), B. Yulcharaev (Guliston)
Nazoratchi: D. Roman (Toshkent).

Ushbu jamoalar shu kunga qadar o'zaro 23 marta kuch sinashishgan. Natijalar “Qizilqum”ning ustunligini ko'rsatmoqda. Navoiyliklar 23 bahsning 13tasida g'alaba qozonishgan. To'rtta uchrashuvda tomonlar murosa ko'chasini tanlashgan va 6ta o'yinda “So'g'diyona”ning qo'li baland kelgan. To'plar nisbati ham “Qizilqum” foydasiga 29:17. O'zaro o'inlarda “Qizilqum”  43 ochkoni qo'lga kiritgan bo'lsa, “So'g'diyona” bo'lsa 22 ochkolik bo'lgan.

“Qizilqum”ning “So'g'diyona” ustidan qozongan eng yirik g'alabasi – 3:0. “So'g'diyona”ning  “Qizilqum”ustidan qozongan eng yirik g'alabasi esa – 2:0 ni tashkil etadi.

Birinchi davrada Navoiyda “Qizilqum” yirik g'alabaga erishgan edi. Baxriddin Vahobov xet-trik qayd etgan bo'lsa, Vyacheslav SHevchenko bitta gol urgan. Jizzaxliklar safida yagona javob to'piga Muzaffar Muzaffarov mualliflik qilgan – 4:1.

“So'g'diyona” maydonida o'tgan so'nggi besh uchrashuv:
07.11.2014 So'g'diyona - Qizilqum 1:0
17.08.2013 So'g'diyona - Qizilqum 2:1
19.03.2011 So'g'diyona - Qizilqum 0:2
19.08.2009 So'g'diyona - Qizilqum 0:1
10.05.2008 So'g'diyona - Qizilqum 2:0

O'zaro o'yinlar haqida fakt: “So'g'diyona” uyida bo'lib o'tgan bahslarda “Qizilqum”ni 6 bor mag'lub etgan. To'rtta uchrashuvda “Qizilqum” g'alaba qozongan, bitta o'yinda durang qayd etilgan. Jizzaxliklar o'z maydonlaridagi oxirgi ikki o'yinda ushbu raqib ustidan zafar quchishgan.