PREVYU. SO'G'DIYONA - BUXORO

So'g'diyona (Jizzax) – Buxoro (Buxoro)
3 noyabr. Zomin. “Zomin” stadioni. 14:00
Hakamlar: R. Bobomurodov (Navoiy), R. Samandarov (Navoiy), O. Jumaev (Navoiy), R. Toshmuhamedov (Nukus)
Nazoratchi: A. Popov (Toshkent).

Ustunlik “So'g'diyona” tomonida. 16ta o'yinda jizzaxliklarning qo'li baland kelgan bo'lsa, 15ta uchrashuvda “Buxoro” g'olib bo'lgan. To'rtta uchrashuvda g'olib aniqlanmagan. To'plar nisbati ham “So'g'diyona” foydasiga. Jizzax klubi shu kunga qadar o'zaro o'yinlarda 53ta gol kiritib o'z darvozasidan 48 marta to'p olib chiqqaan. O'zaro o'inlarda “So'g'diyona” 52 ochkoni, “Buxoro” esa 49 ochkoni qo'lga kiritgan.

“Buxoro” oliy ligada “So'g'diyona” ustidan 4:1 hisobida g'alaba qozongan. Bu o'zaro o'yinlardagi buxoroliklarning eng yirik hisobidir. “So'g'diyona”ning o'zaro o'yinlardagi “Buxoro” ustidan erishgan eng yirik g'alabasi esa 6:2 bo'lib turibdi.

Dastlabki davrada “Buxoro” o'z uyida yirik hisobda g'alaba qozongan. Maydon egalari safida Alisher Mahmudov, Otabek Narzullaev va Vohid SHodiev (ikkita) gol urishgan bo'lishsa, Xurshid Yo'ldoshev “So'g'diyona”ning yagona javob to'piga mualliflik qilgan – 4:1.

“So'g'diyona” maydonida o'tgan so'nggi besh uchrashuv:
14.05.2011 So'g'diyona - Buxoro 2:1
11.04.2009 So'g'diyona - Buxoro 3:2
25.05.2008 So'g'diyona - Buxoro 1:2
19.08.2006 So'g'diyona - Buxoro 2:0
15.05.2005 So'g'diyona - Buxoro 0:3

O'zaro o'yinlar haqida fakt: “Buxoro” “So'g'diyona” maydonida 5 marta g'alabaga erishgan va 1 marta durang o'ynagan. Qolgan 11ta bahsda “So'g'diyona” o'z uyida mehmon jamoaga ochko bermagan. Oxirgi ikki o'yinda “Buxoro” safarda mag'lub bo'lgan.