PREVYU. "So'g'diyona" - "Andijon"

So'g'diyona – Andijon
25 oktyabr 2014. Zomin. “Zomin” stadioni. 15:00
Hakamlar: I.Tantashev, A.Qo'ldoshev, B.Qodirov, O.To'ychiboev.
Nazoratchi: F.Abdullaev.

“So'g'diyona” va “Andijon” va  oliy ligada jami 33 bora to'qnash kelgan. Natijalar mutlaqo tenglikni ko'rsatmoqda.

“Andijon” 13ta o'yinda g'alaba qozongan. “So'g'diyona” hisobida ham 13ta g'alaba bor. Etti o'yin durang bilan yakunlangan. “Andijon” ham, “So'g'diyona” ham 50tadan urgan. Jamoalar o'zaro uchrashuvlarda 46tadan ochkoni o'z hisobiga yozib qo'yishga. O'zaro o'yinlardagi eng yirik g'alabalar quyidagicha:  “Andijon” - “So'g'diyona” 4:1,  “So'g'diyona ” - “Andijon ” 5:0.

Birinchi davraning 11-turida “So'g'diyona” vodiydan uch ochko bilan qaytgan. O'sha bahsda Sardor Eminov dublga erishgandi. Lochin Solievning uchrashuv so'nggida urgan goli faqat hisobni qisqartirish uchun xizmat qilgandi - 1:2.

“So'g'diyona” maydonida o'tgan so'nggi besh uchrashuv:
01.11.2011 So'g'diyona - Andijon 1:1
09.10.2009 So'g'diyona - Andijon 0:2
04.10.2008 So'g'diyona - Andijon 2:3
15.04.2006 So'g'diyona - Andijon 0:1
04.03.2004 So'g'diyona - Andijon 1:1

O'zaro o'yinlar haqida fakt: “So'g'diyona” o'z maydonida “burgutlar”ga 3 bor yutqazib qo'ygan. Etiborlisi ushbu uchala mag'lubiyat so'nggi yillarda qayd etilgan. Besh marta jamoalar durang qayd etishgan. Jizzax klubi o'z uyida “Andijon”ni 8 marta taslim qilgan. “So'g'diyona” so'nggi bor “burgutlar”ni 2002 yilda o'z maydonida mag'lub etgan ekan.