Prevyu. "Qizilqum" - "So'g'diyona"

QIZILQUM – SO'G'DIYONA
14 mart 2015. Navoiy. "Yoshlar" stadioni. 17:00
Hakamlar: H.Ro'ziev, O.Abduvasilov, S.SHoyusupov, E.Tursunov.
Nazoratchi: B.Galeev.

Ushbu jamoalar shu kunga qadar o'zaro 22 marta kuch sinashishgan. Natijalar “Qizilqum”ning ustunligini ko'rsatmoqda. Navoiyliklar 22 bahsning 12tasida g'alaba qozonishgan. To'rtta uchrashuvda tomonlar murosa ko'chasini tanlashgan va 6ta o'yinda “So'g'diyona”ning qo'li baland kelgan. To'plar nisbati ham “Qizilqum” foydasiga 25:16. O'zaro o'inlarda “Qizilqum”  40 ochkoni qo'lga kiritgan bo'lsa, “So'g'diyona” bo'lsa 22 ochkolik bo'lgan.

“Qizilqum”ning “So'g'diyona” ustidan qozongan eng yirik g'alabasi – 3:0. “So'g'diyona”ning  “Qizilqum”ustidan qozongan eng yirik g'alabasi esa – 2:0 ni tashkil etadi.

O'tgan mavsumda qaysi jamoa o'z uyida o'ynasa o'sha 1:0 hisobida zafar quchgan. Navoiydagi bahsda Vladimir SHishelovning urgan goli “So'g'diyona”ni mag'lub etgan. “So'g'diyona” maydonidagi uchrashuvdagi yagona golni Ayubxon No'monov urgan.  

“Qizilqum” maydonida o'tgan so'nggi besh uchrashuv:
21.06.2014  “Qizilqum” – “So'g'diyona”  1:0
20.06.2013  “Qizilqum” – “So'g'diyona”  3:1
22.10.2011  “Qizilqum” – “So'g'diyona”  0:0
20.06.2009  “Qizilqum” – “So'g'diyona”  3:0
27.09.2008  “Qizilqum” – “So'g'diyona”  1:0
13.05.2006  “Qizilqum” – “So'g'diyona”  2:1

O'zaro o'yinlar haqida fakt: “Qizilqum” uyida bo'lib o'tgan bahslarda “So'g'diyona” umuman g'alaba qozona olmagan. 8ta uchrashuvda “Qizilqum” g'alaba qozongan, qolgan 3ta o'yinda durang qayd etilgan.


Narzulla Saydullaev