Prevyu. "Olimpik" Qarshida "Nasaf"ga qarshi

Ushbu jamoalar hozirga qadar Superligada 4 marta to'qnash kelishgan. "Ajdarlar" ikki bor bu raqibni taslim qilgan, 1 marta "Olimpik"ning qo'li baland kelgan, yana bir bor durang qayd etilgan. "Nasaf" bu o'yinlarda 8ta gol urgan va 5ta gol o'tkazgan.

Qarshida o'tgan ikkala bahsda ham "Olimpik" g'alaba qozona olmagan 1ta durang va 1ta mag'lubiyat. O'tgan mavsumdagi har ikkala uchrashuvda ham Ro'ziqul Berdiev shogirdlari 3tadan gol urib, g'alaba qozonishgan.

"Nasaf" yangi mavsumga qanday tayyorgarlik ko'rdi: "quturgan" tarkib, chempionlik vazifasi va yangi legionerlar (mutolaa uchun)        

Bu jamoalar o'rtasidagi barcha o'yinlar:
28.09.2023 "Olimpik" – "Nasaf" 1:3
24.04.2023 "Nasaf" – "Olimpik" 3:0
12.11.2022 "Olimpik" – "Nasaf" 2:0
30.06.2022 "Nasaf" – "Olimpik" 2:2

Hakamlar
Qarshidagi bahsni Aziz Asimov boshchiligidagi hakamlar boshqarib borishadi. Asimov o'tgan yil "Nasaf" ishtirokidagi uchta bahsda bosh hakam bo'lgan (O'zbekiston kubogi finali ham) va ularning barchasida qarshiliklar g'alaba qozonishgan. Asimov 2023 yil "Olimpik"ning ikkita o'yinida bosh hakam bo'lgan: "Paxtakor" mag'lub etilgan (3:2) va "Bunyodkor" bilan durang qayd etilgan (1:1).


"NASAF" - "OLIMPIK"
1 mart 2024 yil. 19:15
Bosh hakam: Aziz Asimov
Yordamchi hakamlar: Sanjar SHoyurupov, Alisher Usmonov
To'rtinchi hakam: Umidjon Nutfulloev
VAR: Ahror Risqullaev
AVAR: Avaz Abdullaev
Nazoratchi: Mamur Saidqosimov
Komissar: Qudrat Madraimov

"Olimpik" yangi mavsumga qanday tayyorgarlik ko'rdi: Jamoaning bu yilgi bosh maqsadi - Parij!        

Taxminiy tarkiblar:
"Nasaf": Abduvohid Nematov, Murodbek Rahmatov, SHuhrat Muhammadiev, G'olib G'aybullaev, Igor Golban, SHerzod Nasrullaev, Akmal Mozgovoy, Javohir Sidiqov, Temur CHogadze, Viktor da Silva, Bobir Abdiholiqov.
"Olimpik": Hamidullo Abdunabiev, Saidazamat Mirsaidov, SHahzod Toirov, Akbar Abdirasulov, Jaloliddin Sodiqov, Abdurauf Bo'riev, Ibrohim Ibragimov, Farruh Muxtorov, Muhammadaziz Ibrohimov, Otabek Jo'raqo'ziev, Asad Jo'raboev.