PREVYU. "Neftchi" - "Bunyodkor"

Neftchi – Bunyodkor
25 oktyabr 2014. Qirguli. “Neftchi SK” stadioni. 15:00
Hakamlar: V.Ceytlin, H.SHodmonov, R.SHoyaxmetov, A.Mo'minov.
Nazoratchi: G.Imomov.
 
“Neftchi” va “Bunyodkor” oliy ligada 15 marta o'zaro o'ynashgan. Natijalar “qaldirg'ochlar”ning katta ustunligini ko'rsatmoqda. “Bunyodkor” bu raqibni 11 marta taslim qilgan. “Neftchi” esa faqat 1 marta “qaldirg'ochlar”ni ochkosiz qoldira olgan. 3ta o'yinda durang qayd etilgan. To'plar nisbatida ham tabiiyki ustunlik “Bunyodkor” tomonida - 26:6. O'zaro o'yinlarda “Bunyodkor” 36, “Neftchi” 6 ochkoga ega bo'lgan.

“Bunyodkor”ning o'zaro o'yinlarda qozongan eng yirik g'alabasi – 5:0ga teng. “Neftchi”ning yagona va shu bilan birga eng yirik g'alabasi 2:1.

Dastlabki davrada Toshkentda bo'lib o'tgan bahsda durang qayd etilgan. 82-daqiqada Temur Ayupovning urgan goliga mehmonlar hujumchisi Murod Bobojonov 90-daqiqada javob bergandi – 1:1.

Farg'onada bo'lib o'tgan so'nggi besh uchrashuv:
31.05.2013 Neftchi - Bunyodkor 0:1
21.06.2012 Neftchi - Bunyodkor 1:2
01.04.2011 Neftchi - Bunyodkor 0:0
18.09.2010 Neftchi - Bunyodkor 0:3
23.03.2009 Neftchi - Bunyodkor 0:3

O'zaro o'yinlar haqida fakt: “Neftchi” o'z uyida bu raqib bilan bahsda faqat bir marta g'olib chiqqan (2008 yil). Bir marta Farg'onadagi bahsda durang qayd etilgan (2011 yil). Qolgan 5ta o'yinda “qaldirg'ochlar” safarda g'alaba qozonishgan. Farg'onaliklar o'z maydonlarida “Bunyodkor”ni 5 yildan buyon yuta olishmayapti.