Prevyu. "Navbahor" - "So'g'diyona"

Navbahor (Namangan) – So'g'diyona (Jizzax)
11 aprel 2015. Namangan. "Markaziy" stadioni. 17:00
Hakamlar: B.Namozov, T.Galeev, A.Po'latov, A.Rahimov
Nazoratchi: R.Aytekov.

“Navbahor” hamda “So'g'diyona” klublari oliy ligada shu kungacha 38 bor kuch sinashishgan. 20ta o'yinda “Navbahor”, 13ta o'yinda esa “So'g'diyona” g'alaba qozongan. 5ta o'yinda durang natija qayd etilgan. “Navbahor” o'zaro o'yinlarda 72 bor raqib darvozasiga yo'l topa olgan. “So'g'diyona” esa 46 bor gol kirita olgan. “Navbahor” o'zaro o'yinlarda 65 ochkoni qo'lga kiritgan bo'lsa, jizzaxliklar hisobida 43 ochko mavjud. “So'g'diyona”ning “Navbahor” ustidan qozongan eng yirik g'alabasi – 3:1. Namanganliklarning eng yirik g'alabasi esa 7:0.

O'tgan mavsumda bu jamoalar o'rtasidagi o'yinlarda juda ko'p gol urilgan. Vodiyda kechgan bahsda SHaxboz Erkinov (3ta), Abdumalik Abdullaev urgan gollariga mehmonlardan Ilyos Qurbonov (2ta) javob bergandi – 4:2. “So'g'diyona” maydonida esa tomoshabinlar 9ta gol guvohiga aylanishgan. Jizzax klubi safida Suxrob Berdiev, Oleksandr Koblash (2ta), Akbar Sattaev (avtogol), Ilhom Komilov gol urishgan. “Lochinlar” tarkibida esa SHaxboz Erkinov (3ta) va Baxtiyor Yoqubov to'p kiritishgandi – 5:4.

“Navbahor” maydonida o'tgan so'nggi besh uchrashuv:
11.04.2014 Navbahor - So'g'diyona 4:2
29.10.2013 Navbahor - So'g'diyona 3:1
20.08.2011 Navbahor - So'g'diyona 2:1
19.09.2009 Navbahor - So'g'diyona 0:0
18.10.2008 Navbahor - So'g'diyona 1:1

O'zaro o'yinlar haqida fakt: “So'g'diyona” bungi kunga qadar “Navbahor” maydonida g'alaba qozona olmagan. Vodiyda bo'lib o'tgan 15ta o'yinda “lochinlar” zafar quchishgan bo'lsa, qolgan 4ta bahsda durang qayd etilgan. Oxirgi uchta o'yinda “lochinlar” uch bor g'alaba qozonishgan.