PREVYU. "Navbahor" - "Mashal"

Navbahor – Mashal
25 oktyabr 2014. Namangan. “Navbahor” stadioni. 15:00
Hakamlar: M.Muhamedov, S.SHoyusupov, A.Marajabov, R.Kopadze.
Nazoratchi: D.Roman.

“Navbahor” va “Mashal” oliy ligada jami 27 bora to'qnash kelishgan. Natijalar “Mashal”ning ustunligini ko'rsatmoqda. 11ta o'yinda muborakliklar zafar quchishgan, 6ta  o'yinda durang qayd etilgan. Qolgan 10ta uchrashuvda “lochinlar” muvaffaqiyat qozonishgan. To'plar nisbatida esa “Navbahor” oldinda - 35:32. O'zaro o'yinlarda “Navbahor” 36, “Mashal” 39 ochkoni  qo'lga kiritgan.

“Navbahor”ning o'zaro o'yinlarda qozongan eng yirik g'alabasi – 8:0 ga teng. “Mashal”da bu ko'rsatkich 5:0 bo'lib turibdi.

Dastlabki davrada “Mashal” o'z uyida g'alabaga erishgandi. Zohir Qo'ziboev, Zafar To'raev va Mo'ydin Mamazulumovning urgan gollariga “lochinlar” himoyachisi Yuriy Rijko bir bor javob bergandi – 3:1.

Namanganda o'tgan so'nggi besh uchrashuv:
03.08.2012 Navbahor - Mashal 2:2
05.08.2011 Navbahor - Mashal 2:0
13.03.2010 Navbahor - Mashal 0:0
25.06.2009 Navbahor - Mashal 2:1
05.07.2008 Navbahor - Mashal 1:0

O'zaro o'yinlar haqida fakt: Bu jamoalarning vodiyda o'tgan o'yinlarida “Navbahor” 8 bor zafar quchgan. Uch bor g'olibni aniqlashning imkoni bo'lmagan. “Mashal” hisobida 2ta g'alaba mavjud. So'nggi marta 2007 yili “Mashal” Namangandan g'alaba bilan qaytgan. SHundan keyin tashkil etilgan 5ta uchrashuvda “Navbahor” o'z uyida bu jamoaga yutqazmagan.