Prevyu. "Mashal" - "Bunyodkor"

MASH'AL – BUNYODKOR
23 mart. Muborak. “Bahrom Vafoev” nomidagi stadion. 16:00
Hakamlar: V.Kovalenko, R.Ilyosov, M.Saidqosimov, D.Karimov.
Nazoratchi: A.Abdullaev.

Ushbu jamoalar shu kunga qadar o'zaro 12 marta kuch sinashishgan. Natijalar “Bunyodkor”ning yaqqol ustunligini ko'rsatmoqda. “Qaldirg'ochlar” 12 bahsning barchasida g'alaba qozonishgan. Bundan tashqari “Mashal” oliy ligada hali “Bunyodkor” darvozasini ishg'ol qila olmagan. To'plar nisbati 23-0 “Bunyodkor” foydasiga. O'zaro o'yinlarda “Bunyodkor” 36 ochoni qo'lga kiritgan bo'lsa, “Mashal”da bu ko'rsatkich hozircha 0 bo'lib turibdi.

“Bunyodkor”ning “Mashal” ustidan qozongan eng yirik g'alabasi – 3:0. “Mashal” hisobida g'alaba umuman yo'qligi haqida aytib o'tdik.

2013 yil “Mashal” birinchi ligada o'ynadi. Ikki jamoa o'rtasidagi so'nggi uchrashuvlar 2012 yilda bo'lib o'tgan. Dastlabki turda Toshkentda tashkil etilgan bahsda Artyom Filiposyan tomonidan urilgan gol “Bunyodkor”ga g'alaba keltirgan. So'nggi tur Muborakdagi uchrashuvda Kamoliddin Murzoev va Bahodir Pardaev maydon egalarini ranjitishgan.

Muborakda o'tgan so'nggi besh uchrashuv:
21.11.2012 Mashal – Bunyodkor  0:2
07.03.2011 Mashal – Bunyodkor  0:2
05.08.2010 Mashal – Bunyodkor  0:2
12.11.2009 Mashal – Bunyodkor  0:1
11.09.2008 Mashal – Bunyodkor  0:2

O'zaro o'yinlar haqida fakt: “Mashal” ushbu raqib darvozasiga o'z uyida umuman gol ura olmagani tushunarli. “Bunyodkor” Muborakda 540 daqiqada davomida o'z darvozasi dahlsizligini saqlab kelmoqda. Oxirgi uch o'yinda “qaldirg'ochlar” “Mashal” maydonidan bir xil 2:0 hisobidagi g'alabalar bilan qaytishgan.

Taxmin: "Mashal" balki bu raqib darvozasiga birinchi golini urar, lekin baribir "Bunyodkor" g'olib bo'lsa kerak.

Narzulla Saydullaev