Prevyu. Hujumchilariga ishongan Uels tartibli SHveycariyaga qarshi maydonga tushadi

FAKTLAR 

Uels terma jamoasi shveycariyaliklarga qarshi so'nggi o'yinlariga ham deyarli o'n yil bo'lmoqda. Evro-2012 saralash bahslarida uelsliklar 2:0 hisobida g'alabani tantana qilishgan. O'sha uchrashuvda Garet Beyl va Aaron Remzi raqib darvozasiga gol urib, jamoasi uchun g'alabani taqdim etishgan. Bugungi bahsda ham Garet katta ehtimol bilan asosiyida boshlaydi, biroq Aaronda vaziyat biroz boshqa. Murabbiylarni Remzining hozirgi holati havotirga solmoqda va ular turnirning ilk turida tavakkal qilmaslikni o'ylashmoqda.

 Yulduzli duet bugun yana Uels terma jamoasini g'alabasini taqdim etadimi? Robert Peydj shogirdlari o'tgan Evro kabi ajoyib natijani qayd eta oladimi? Nima bo'lgan taqdirda ham dunyoda g'ayrioddiy narsalar ko'proq sodir bo'ldi ...

QIZIQ STATISTIKA

SHveycariya Uelsga qarshi etti bahsdan beshtasida g'alaba qozongan. 

TAXMINIY TARKIBLAR 

Uels: Uord; Mepam, Rodon, Devis; Roberts, Allen, Ampadu, Uilyams; Djeyms, Uilson, Beyl

SHveycariya: Sommer; Elvedi, SHer, Akandji; Mbabu, Zakariya, Djaka, Rodriges; SHakiri; Embolo, Seferovich

BOSH MURABBIY FIKRLARI: 

Uels  terma jamoasi bosh murabbiyi Robert Peydj: " Terma jamoaning bosh murabbiyi bo'lish va uni ushbu uchrashuvga olib chiqish - bu mening faoliyatimdagi eng faxrlanadigan ajoyib lahza. Men futbolchilarga yuragimdan ko'rsatmalar beraman Muxlislarimiz, bizning "Qizil devorimiz"! Ular bizni turnida munosib ishtirok etishimizni xoxlashadi. O'yinchilar tayyor bo'lishadi, lekin doim sovuqqonlikni saqlab qolishimiz kerak. Umuman olganda, bu erda to'g'ri muvozanatni saqlash lozim".

SHveycariya terma jamoasi bosh murabbiyi Vladimir Petkovich: "Uels – ancha murakkab raqib. Ular himoyada ancha jips harakat qilishadi va yakkama-yakka vaziyatlardan yaxshi foydalanishadi. SHuningdek, ularning hujim chizig'i ham kuchli. Uchrashuvda ustunlikni qo'lga kiritib, o'yinni biz istagandek davom etishga harakat qilamiz. Raqib jarima maydonchasida xavfli vaziyatlarni tashkil etishimiz va vaziyatlarimizdan foydalanishimiz kerak Ammo buning uchun biz bir soniyada ham kontsentraciyani yo'qotmasligimiz lozim. ".

Uels - SHveycariya 

12 iyun 2021 yil. Boku. "Olimpiya" stadioni. 18:00

Bosh hakam: Kleman Tyurpen (Franciya)

Qanot hakamlari: Nikolya Dano va Siril Grengor (ikkisi Franciya)

Zaxira hakami: Srjan Yovanovich (Serbiya)

VAR hakami: Fransua Letese (Franciya)

VAR hakami yordamchilari: Jerom Brisar va Benjamen Pajes (ikkisi Franciya), Pavel Gil (Polsha).