Prevyu. "Buxoro" - "Mashal"

BUXORO – MASH'AL
1 iyun. Buxoro. "Buxoro" stadioni. 19:00
Hakamlar: V.Ceytlin, A.Capenko, A.Po'latov, D.Jalimov
Nazoratchi: A.Arutyunov.

Bu ikki klub oliy ligada 24 bor kuch sinashishgan. Natijalar “Mashal”ning ustunligini ko'rsatmoqda. Muborakliklar 11 ta o'yinda g'alaba qozonishgan, 7 bahs durang bilan yakunlangan. 6 ta o'yinda “Buxoro” zafar quchgan. To'p kiritish borasida ham “Mashal” oldinda – 35:22. O'zaro o'yinlarda “Buxoro” 25 ochkoga ega bo'lgan, “Mashal” hisobida esa 40 ochko mavjud.

“Buxoro”ning “Mashal” ustidan qozongan eng yirik g'alabasi – 4:0. “Mashal”ning ham “Buxoro” ustidan o'zaro o'yinlardagi eng yirik muvaffaqiyati 4:0ni tashkil qiladi.

O'tgan mavsum “Mashal” oliy ligada o'ynamagandi.  2012 yildagi ikkala uchrashuvda ham durang qayd etilgan. Buxorodagi ilk bahsda mezbonlar legioneri Mixail Kakaladzening goliga mehmonlardan Samandar SHodmonov javob bergan – 1:1. Muborakdagi o'yinda birinchi golni Pavel Solomin urgan, “Buxoro” tarkibida Baxriddin Vahobov o'zini ko'rsatgan – 1:1.

Buxoroda o'tgan so'nggi besh uchrashuv:    
07.04.2012 Buxoro – Mashal  1:1
28.05.2011 Buxoro – Mashal  2:0
16.05.2009 Buxoro – Mashal  1:1
29.03.2008 Buxoro – Mashal  0:0
17.03.2007 Buxoro – Mashal  0:1

O'zaro o'yinlar haqida fakt: Buxorodagi o'yinlarda mezbonlar besh marta g'olib bo'lishgan. Yana beshta bahsda durang qayd etilgan. Faqat ikki bor “Mashal” safardan g'alaba bilan qaytgan. So'nggi bor “Buxoro” o'z uyida bu jamoaga 2007 yil mag'lub bo'lgan.