Prevyu. "Bunyodkor" - "Olmaliq"

Bunyodkor (Toshkent) – Olmaliq (Olmaliq)
27 iyun 2015. Toshkent. “Bunyodkor” stadioni. 19:00
Hakamlar: V. Ceytlin (Toshkent), M. Saidqosimov (Toshkent), R. Serazetdinov (Toshkent), A. Ergashev (Toshkent)
Nazoratchi: G. Imamov (Toshkent).

Bu ikki klub oliy ligada 14 bora to'qnash kelgan. Ushbu o'yinlardan 10 tasida “qaldirg'ochlar” g'olib bo'lishgan. 2 o'yin durang hisobida yakunlangan. “Olmaliq” shu kungacha “Bunyodkor”ni 2 bor mag'lub etgan.

“Bunyodkor” shu kungacha o'zaro o'yinlarda “Olmaliq” darvozasiga 29ta gol kiritgan. “Olmaliq” esa 14 bora “Bunyodkor” posbonini ranjitgan. “Bunyodkor” shu kungacha o'zaro o'yinlarda 32 ochkoni, “Olmaliq” esa 8 ochkoni qo'lga kiritgan. “Bunyodkor”ning oliy ligada “Olmaliq” ustidan erishgan eng yirik g'alabasi 4:1 ni tashkil qiladi. “Olmaliq” eng yirik muvaffaqiyati esa – 3:1.

O'tgan mavsum Toshkentdagi o'yinda hisobni mehmonlar vakili Aleksandr Alempievich ochdi. Oleg Zoteev hisobni tenglashtirgandi – 1:1. Olmaliqda esa maydon egalari yarim himoyachisi SHaker Zuagi penaltidan gol urgandi. Sardor Rashidov va Oleksandr Pishurning gollari “Bunyodkor”ga g'alaba keltirgandi – 1:2.

Toshkentda o'tgan barcha uchrashuvlar:
27.03.2014  Bunyodkor – Olmaliq  1:1
18.10.2013  Bunyodkor – Olmaliq  4:1
11.09.2012  Bunyodkor – Olmaliq  2:0
19.05.2011  Bunyodkor – Olmaliq  4:1
14.08.2010  Bunyodkor – Olmaliq  1:0

O'zaro o'yinlar haqida fakt : “Bunyodkor” o'z maydonida bu raqibga umuman yutqazmagan. Bo'lib o'tgan 7ta o'yinning 6tasida “Olmaliq” mag'lub etilgan. Faqat bir bor (2014 yil) durang qayd etilgan.