Prevyu. "Bunyodkor" – "Dinamo"

Natijalar “qaldirg'ochlar”ning kattagina ustunligini ko'rsatmoqda. “Bunyodkor” 14ta o'yinda g'olib bo'lgan, 1ta o'yin durang hisobida yakunlangan. “Dinamo” ushbu raqibni hozirga bir marta mag'lub etgan. To'plar nisbatida ham ustunlik “Bunyodkor” tomonida - 33:7. O'zaro o'yinlarda “Dinamo” 4, “Bunyodkor” esa 43 ochkoni qo'lga kiritgan.

“Bunyodkor”ning o'zaro o'yinlarda qozongan eng yirik g'alabasi – 4:0ga teng. “Dinamo”ning yagona g'alabasi – 1:0.

O'tgan yil dastlabki davrada Samarqanddagi bahsda “qaldirg'ochlar” zafar quchishgan. Akmal Xolmurodov o'z darvozasini ishg'ol qilib hisobni ochgan bo'lsa ikkinchi bo'limda Oleg Zoteev yakuniy natijani o'rnatgandi – 0:2. Toshkentda esa “Dinamo” o'z tarixida birinchi bor bu raqibni mag'lub etgandi. Azamat Bobojonovning 90+4-daqiqada urgan goli “Bunyodkor”ning alamali mag'lubiyatini taminlagandi – 0:1.

Toshkentda bo'lib o'tgan so'nggi besh uchrashuv:
23.08.2014 Bunyodkor - Dinamo 0:1
05.10.2013 Bunyodkor - Dinamo 4:1
03.09.2012 Bunyodkor - Dinamo 2:1
24.09.2011 Bunyodkor - Dinamo 2:0
06.05.2010 Bunyodkor - Dinamo 2:1

O'zaro o'yinlar haqida fakt: “Dinamo” ushbu raqib maydonidagi 8ta o'yinning 7tasida mag'lub bo'lgan. Bitta uchrashuvda (2014 yil) Samarqand klubi safardan g'alaba bilan qaytgan.

Narzulla Saydullaev tayyorladi