Prevyu. Bundesliga: "Augsburg" o'ch oladimi?

Ushbu jamoalarning birinchi davradagi bellashuvida Martin SHmidt boshchiligidagi "Maync" mehmonda "Augsburg"ni ishonchli tarzda (3:1) mag'lub etgandi. "Augsburg" esa o'sha o'yin uchun ham bugungi uchrashuvda o'ch olishni maqsad qilgan. Manuel Baum shogirdlari ayni paytda 24 ochko bilan turnir jadvalining 10-pog'onasida borishmoqda.

"Maync" qishki transfer oynasida Boyan Krkichni jamoaga jalb etdi va bu futbolchidan ularning umidlari katta

Ular "Maync"dan ikki ochkoga, jadvalda esa ikkita o'ringa tepadalar.
"Maync"ning bu to'qnashuvdagi maqsadi aniq, yani g'alaba. Ularga bu g'alaba ayni paytdagi raqiblaridan ham uzib ketish imkoniyatini yaratib berishi ikki hissa yoqimli. "Augsburg" o'ntalikdan yuqorilash, "Maync"dan yanada ilgarilab ketish uchun ham g'alaba qozonmog'i lozim. Birinchi davradagi o'z muxlislari qarshisidagi alamli mag'lubiyat ham "Augsburg"ni bugun tiq qayrab chiqishga majbur etadi.

Martin SHmidt jamoasi hujumda yaxshi o'ynaydi. Ularda samaradorlik ham yaxshi darajada. Ammo "Maync"ning himoya chizig'i zaif va shu jihat ularga ko'p bor pand berib keldi. Jamoa 19 o'yinda 27 marotaba raqib darvozasini ishg'ol etishgan va o'z darvozalaridan 35 bor to'p o'tkazib yuborishgan.
Manuel Baumning "Augsburg" jamoasi esa hujum chizig'idagi o'yini bilan maqtana olmaydi. Jamoa urgan gollari o'tkazilgan o'yinlar sonidan ham pastligi hammasini ko'rsatib turibdi. "Augsburg" har bir o'yinga o'rtacha bittadan ham gol ura olmayapti. Lekin "Maync"ga qaraganda himoyada tartibli o'ynaydi. Bu jamoa ishtirokidagi uchrashuvlarda asosan birgina gol bellashuv taqdirini hal etadi.

"Augsburg" hujumchisi Bobadilya nihoyat raqib darvozasini "o'qqa" tutishni boshlab yubordi...

Uchrashuvda aniq favorit jamoa nomini aytish mushkul. Biroq o'z uyida o'ynayotganini hisobiga kichik ustunlik "Maync" tarafida. Lekin "Augsburg" qo'lga kiritgan 6ta g'alabadan teng yarmiga aynan mehmonda erishgan.


Germaniya chempionatining 20-turining ilk bahsini boshqarish tajribali hakam Manuel Grafe
zimmasiga yuklatilgan.

Bundesliga, 20-tur. Turnir jadvali
Demak bugun tunda "Opel Arena"da "Maync" - "Augsburg" qarama-qarshiligi.

O'zaro o'yinlardagi fakt:
Jamoalar jami 11 marotaba o'zaro duch kelishgan. "Maync" shu uchrashuvlarning 6tasida g'alaba qozongan. "Augsburg" esa 3 ta bellashuvda ustun kelgan. Qolgan ikkita o'yin durang bilan tugagan.
To'plar nisbati: 22-13, "Maync" foydasiga.

Qiziq fakt: "Augsburg" jamoasi ketma-ket 6 o'yindan buyon "Maync" qarshiligi enga olmay kelmoqda.

Turning qolgan uchrashuvlari ertaga va indinga davom ettiriladi.