Prevyu. "Andijon" - "Bunyodkor"

ANDIJON - BUNYODKOR
2 noyabr 2014. Andijon. “Sog'lom Avlod” stadioni. 15:00
Hakamlar: Z. Qodirov (Navoiy), R. Samandarov (Navoiy), O. Jumaev (Navoiy), A. Ergashev (Toshkent)
Nazoratchi: I. Nexochin (Namangan).

Bu ikki klub o'zaro 13 bor kuch sinashishgan. Natijalar “Bunyodkor”ning katta ustunligini ko'rsatmoqda. “Qaldirg'ochlar” 10ta o'yinda g'oliblik nashidasini surishgan. 3ta o'yin durang bilan yakunlangan. “Andijon” o'z tarixida bu raqibni umuman enga olmagan. To'p kiritish borasida ham ustunlik o'z-o'zidan “Bunyodkor” tomonida – 22:3. O'zaro o'ynlarda “Bunyodkor” 33 ochkoni qo'lga kiritgan. “Andijon” esa hozirgacha 3 ochko ishlab olgan.

“Bunyodkor”ning “Andijon” ustidan qozongan eng yirik g'alabasi – 3:0. “Andijon” hisobida g'alaba yo'qlignin aytib o'tdik.

Dastlabki davrada “Bunyodkor” o'z muxlislari qarshisida “Andijon”ni ikki to'p farqi bilan enggandi. Oleksandr Pishur birinchi, Sardor Rashidov ikkinchi bo'limda “burgutlar” darvozasini ishg'ol qilishgandi – 2:0.

Andijonda o'tgan barcha uchrashuvlar:
01.07.2012 Andijon - Bunyodkor 0:2
17.09.2011 Andijon - Bunyodkor 1:1
22.08.2010 Andijon - Bunyodkor 0:0
14.05.2009 Andijon - Bunyodkor 1:2
30.03.2008 Andijon - Bunyodkor 0:1
22.06.2007 Andijon - Bunyodkor 0:2

O'zaro o'yinlar haqida fakt: “Bunyodkor” Andijondan to'rt marta g'alaba bilan qaytgan. “Burgutlar” o'z maydonlarida ikki bor durang qayd etishgan. “Andijon” o'z uyida faqat ikki marta gol urgan.