Prevyu. "Andijon" - "So'g'diyona"

Andijon (Andijon) – So'g'diyona (Jizzax)
23 aprel 2016. Andijon. "Sog'lom Avlod" stadioni. 17:30
Hakamlar: O. Tolibjonov (Toshkent), A. Snetkov (Toshkent vil.), A. Capenko (Toshkent vil.), I. Gormashov (Toshkent)
Nazoratchi: R. Aytekov (Toshkent).
O'zPFL vakili: A. Inoyatov.
 
“Andijon” va “So'g'diyona” oliy ligada jami 36 bora to'qnash kelgan. Natijalar vodiy klubining ustunligini ko'rsatmoqda.

“Andijon” 15ta o'yinda g'alaba qozongan. “So'g'diyona” hisobida 14ta g'alaba bor. Etti o'yin durang bilan yakunlangan. “Andijon” 55, “So'g'diyona” 54ta gol urgan. “Burgutlar” o'zaro uchrashuvlarda 52, Jizzax klubi 49 ochkoni o'z hisobiga yozib qo'yishgan. O'zaro o'yinlardagi eng yirik g'alabalar quyidagicha:  “Andijon” - “So'g'diyona” 4:1,  “So'g'diyona ” - “Andijon ” 5:0.

2015 yil birinchi davrada “So'g'diyona” o'z maydonida “burgutlar”ga yutqazib qo'ygan. Asqar Jadigerov va Lochin Soliev tomonidan urilgan gollarga “So'g'diyona” vakili Muzaffar Muzaffarov javob bergan – 1:2. Vodiyda ham “Andijon” g'olib bo'lgan. Maydon egalari safida Anvar Berdiev (2ta) va Davron Tursunov tomonidan urilgan gollarga jizzaxliklar safida Sobir Hamidov hamda Sanjar Rihsiboev javob berishgan – 3:2.

Andijonda o'tgan so'nggi besh uchrashuv:
25.10.2015 Andijon - So'g'diyona 3:2
06.06.2014 Andijon - So'g'diyona 1:2
12.03.2011 Andijon - So'g'diyona 2:1
18.04.2009 Andijon - So'g'diyona 4:3
03.05.2008 Andijon - So'g'diyona 0:0

O'zaro o'yinlar haqida fakt: “Andijon” o'z maydonida 10 bor g'alaba qozongan. Uch marta jamoalar durang qayd etishgan. Jizzax klubi safarda “Andijon”ni 3 marta taslim qilgan.