Premer-liga klublar uchun transfer xarajatlari va maoshlarga cheklovlar kiritishi mumkin. Qoidabuzarliklar ochkolarni olib tashlash yoki jarimaga tortilish ehtimoli bor

The Times xabariga ko'ra, liga transfer xarajatlari va maosh to'lovlariga cheklov qo'yishi mumkin.

Premer-liga UEFA limitiga o'xshash chora ko'rmoqchi. 2023-yil UEFAning yangi qoidalari kuchga kiradi. Unga ko'ra, ular bir kalendar yilidagi daromadlarining 70 foizidan ko'p bo'lmagan qismini o'yinchilarning maoshi, transfer to'lovlari va agentlik komissiyalariga sarflashlari mumkin. Futbolchilarni sotishdan tushgan daromad klublarga ko'proq mablag' sarflash imkonini beradi.

Ingliz tashkiloti ham shunga o'xshash qoidani qo'llashni istaydi, lekin 70% dan yuqori chegara bilan klublarga biroz ko'proq pul sarflash imkonini beradi. Taklif klublar tomonidan maqullanishi kerak.

Premer-liga jamoalari qoida buzilgan taqdirda, qoidabuzarlikning jiddiyligiga qarab, jazolanishi yoki ochkolari olib qo'yilishi mumkin.