Polshada SHackixning ustozi kaltaklandi

3 aprel, chorshanba kuni bir guruh muxlislar klub mashg'ulotlariga bostirib kirishdi. Ular futbolchilar bilan gaplashib olmoqchi edi, lekin bu faqat suhbat bilan tugamadi.

"Meczyki" xabariga ko'ra, muxlislar tomonidan 50 yoshli murabbiyning yuziga zarba berilgan. SHuningdek, Xackevich bir nechta tepkilarni ham qabul qilib olgan. Klub bu malumotni tasdiqladi, biroq hozircha rasmiy bayonot bermadi.

Avvalroq ijtimoiy tarmoqlarda Xackevich ishdan bo'shatilishi haqida xabarlar tarqalgandi. "Zaglembe" uning qo'l ostida 6 ta o'yin o'tkazib, 4 marta mag'lub bo'ldi va 2 marta durang o'ynadi va Polsha Birinchi ligasida so'nggi o'rinni band etib turibdi. 

Eslatib o'tamiz, beloruslik mutaxassis Aleksandr Xackevich "Dinamo" Kievda Maksim SHackixga ustozlik qilgan. Bundan tashqari, ular birgalikda Kiev klubi murabbiylar shtabida va Rossiyaning "Rotor" jamoasida ham birga ishlashgan.