Pochettino: "Gvardiola - futbolda yangi davr boshlanishi"

"Gvardiola - o'zgarishlar ramzi. U futbolda yangi davr boshlanishi deb o'ylayman.

"Espanol" bilan birinchi mashg'ulotim seshanba kuni bo'lgan, chorshanba kuni tongda ham shug'ullanganmiz. SHunday qilib 12 soat ichida "Barselona"ga qarshi bahsdan oldin 2 ta mashg'ulot o'tkazdim. Futbolchilar menga hayron bo'lib qarashdi, men esa ular pressingga ko'proq etibor qilish kerakligini aytdim. Futbolchilar "Barselona"ga qarshi bunday o'ynashning ilojisi yo'q deyishdi, men esa quyidagicha javob berdim: "Yo'q, buning iloji bor. Biz aynan shunday o'ynashimiz kerak".

Hammasi ajoyib o'tdi, chunki "Barselona"ga qarshi 0:0 - fantastik natija. Bundan so'ng futbolchilarni boshqacha o'ynashga ko'ndirish oson bo'ldi. Agar siz tabiatan qo'rqmas inson bo'lsangiz, maydonda o'zingizni boshqacha tuta olmaysiz. Doimo botir bo'lish kerak. Menga jasur bo'lish yoqadi" - deydi Pochettino.