PFL ikki klubni 10 million so'mdan jarimaga tortdi

Natijada “Zarangari” jamoasiga texnik mag'lubiyat yozildi. Ushbu jamoa O'zbekiston Professional futbol ligasining 2019 yilgi musobaqalarni o'tkazish reglamenti 6.24 bandiga zid ish tutdi. SHu sabab “Zarangari” jamoasiga nisbatan Intizom kodeksining 5.30 bandiga muvofiq 10 million so'm miqdorida jarima intizom chorasi qo'llanildi.

SHuningdek, B Pro-liga 4-turi doirasidagi “Bunyodkor-2” – “Rubin” jamoalari o'rtasidagi bahsda “Rubin” jamoasi tarkibida 2001 yilda tug'ilgan ikki nafar futbolchini maydonga tushirishi lozim bo'lgan holda o'yinda faqat bir nafar futbolchi bilan harakatlandi. Bu bilan jamoa O'zbekiston Professional futbol ligasining 2019 yilgi musobaqalarni o'tkazish reglamenti 5.25 bandidagi B Pro-ligada belgilangan qoidaga amal qilmadi. SHuning uchun mazkur jamoaga nisbatan Intizom kodeksining 5.34 bandiga muvofiq 10 million so'm miqdorida jarima intizom chorasi qo'llanildi.

Qayd etish joiz, agar “Rubin” jamoasida shunday holat yana takrorlansa, ushbu klubga texnik mag'lubiyat yoziladi.