Petrakov: “Jamoani JCHga olib chiqish uchun keldim. Imkoniyatlarimiz etarli”

-O'yin uchun, durang uchun yigitlarga rahmat. Bizda hali imkoniyat bor va biz oxirigacha kurashamiz.

-Futbolchilarni qanday qilib ruhlantirdingiz?

-CHin yurakdan gapirayapman. Aynan qanday gap-so'zlarni ishlatganim kiyinish xonasida futbolchilar bilan oramizda qoladi. Qandaydir o'zgarish bo'ldimi, demak yigitlar meni tushunishdi. Ular meni qabul qilishdi va barcha rejalarni amalga oshirishga intilishdi. Ochig'i, judayam xavotirlangandim. Yarmolenko va Pyatov menga katta yordam berishdi. Men ularga ko'p murojaat qilaman, maslahatlashaman.

SHevchenko va uning murabbiylar shtabiga minnatdorchilik bildiraman. Ular 5 yil ichida terma jamoa uchun katta ishlarni amalga oshirishdi. Yigitlarga, menga beqiyos yordam berishdi. Yigitlar ilgari 5-3-2 taktik sxemasida to'p tepishgan, 5-4-1 da umuman o'ynashmagan. Biz murabbiylar shtabi bilan taktik mashg'ulotlar ustida ishladik, yigitlar bizga quloq solishdi. Ertalabki mashg'ulotlarda 40 daqiqa davomida standartlar ustida, himoyadan chiqish borasida ishladik.

 -Jamoa pley-offga yo'l olishiga ishonasizmi?

-Bu mening orzuim. Men Yoshlar o'rtasida ikkita JCHda ishtirok etganman. Terma jamoaga ham aynan JCHga chiqish uchun keldim.