Pep Tuxel bilan 2-bor finalda to'qnashadi. Oldingi "jang" yodingizdami?
29 may 2021 13:24
Yangiliklar

Pep Tuxel bilan 2-bor finalda to'qnashadi. Oldingi "jang" yodingizdami?

Bir necha soatlardan keyin Evropa CHempionlar Ligasining navbatdagi g'olibi aniq bo'ladi. Qisqasi, bugun final!

Turnirning hal qiluvchi bahsida ingliz jamoalari to'qnashsa-da, maydonda ispan va nemis futbolining o'zaro kurashiga guvoh bo'lamiz. Sababi shundaki, har ikki jamoadagi asosiy figuralar qaysidir yulduz o'yinchilar emas, bosh murabbiylardir. Va ular xalqaro maydonda o'z mamlakatlari futbolining haqiqiy tamsilchilari hisoblanishadi (murabbiy sifatida).

Pep Gvardiola Tomas Tuxel bilan bugun 8-marta to'qnash keladi. Qiziq jihati shundaki, ikkala murabbiy o'rtasida bo'lib o'tgan Bundesligadagi "jang"larda ispanning qo'li baland kelgan bo'lsa...

Bundesliga, 9-tur. 19.10.2013
"Bavariya" 4:1 "Maync"
Bundesliga, 26-tur. 22.03.2014
"Maync" 0:2 "Bavariya"

Bundesliga, 8-tur. 4.10.2015
"Bavariya" 5:1 "Borussiya D"
Bundesliga, 25-tur. 5.03.2016
"Borussiya D" 0:0 "Bavariya"

... "Tumanli Albion"da nesmining omadi chopyapti:

AK, yarim final. 17.04.2021
"CHelsi" 1:0 "Manchester Siti"
APL, 35-tur. 8.05.2021
"Manchester Siti" 1:2 "CHelsi".

SHuningdek, mazkur mutaxassislar bugunga qadar faqat 1 marta finalda to'qnash kelishgan. Germaniya kubogi 2015-2016 yilgi mavsumining hal qiluvchi bahsida Tomasning "Borussiya"si Pepning "Bavariya"sini 120 daqiqada enga bilmagan va penaltilar seriyasida imkoniyatni boy berib qo'ygan edi. O'shanda jamoalar quyidagi tarkiblarda maydonga chiqishgan.

"Bavariya": Manuel Noyer, Filipp Lam, Jerom Boateng, David Alaba, Kimmix, Frank Riberi (Kingsli Koman, 108), Arturo Vidal, Duglas Kosta, Tyago Alkantara, Tomas Myuller, Robert Levandovski.
"Borussiya": Roman Byurki, Marsel SHmelcer (Erik Durm, 70), Mats Xummels (Mattias Ginter, 78), Sokratis Papastatopulos, Lukash Pishchek, Genrix Mxitaryan, Gonsalo Kastro (SHinji Kagava, 105), Yulian Vaygl, Sven Bender, Marko Roys, Per-Emerik Obameyang.
Sven Bender va Sokratis Papastatopulosning penaltilar seriyasidagi xatolari "asalarilar" uchun qimmatga tushgandi.