"Paxtakor" stadioniga rekord darajada ko'p tomoshabin keldi

O'sha uchrashuvni "Paxtakor" stadionida 11067 nafar ishqiboz kuzatdi. Bu ko'rsatkich jamoamizning joriy mavsumda uy o'yinlari uchun rekord natija hisoblanadi. Avvalgi bellashuvlarda buncha ko'p miqdorda muxlis kuzatilmagandi.

Ushbu mavsumda stadionimizga o'rtacha tashrif 4207 nafarni tashkil qildi. Bu ko'rsatkich borasida "Paxtakor" oliy ligada 6-natijani qayd etgan bo'lib, klubimizni "Buxoro", "Navbahor", "Dinamo", "Qo'qon-1912" va "Qizilqum" jamoalari ortda qoldirishgan.

Malumot uchun, 2017 yilgi mavsum rekordi "Navbahor" - "Qo'qon-1912" uchrashuvida qayd etilgandi - 20220.

Eng kam muxlis esa "Obod" - "Lokomotiv" uchrashuviga keldi - 117. Bu yil "Paxtakor" ishtirokidagi o'yinga eng ko'p tomoshabin Buxoroda kelgan - 18138.