"Paxtakor" - "Lokomotiv". Uchrashuv hakamlari va malumotlar

Toshkent derbisida jamoalar safida o'yinni diskvalifikaciya sababli o'tkazib yuboradigan futbolchilar yo'q. Dushanba kunidan "Paxtakor" mazkur bellashuvga tayyorgarlik olib bormoqda. Jamoa azolari ishqibozlarni g'alaba bilan xursand etish uchun bor kuchlarini berishadi.

Jamoalar oliy liga doirasida 24 uchrashuvda maydonga tushishgan. 16 bellashuvda "sherlar" zafar quchib, 5 durang va 3 mag'lubiyat kuzatilgan. Kiritilgan to'plar bo'yicha yaqqol oldindamiz - 56:21.

"Paxtakor" mezbonlik qilgan 12 o'yinning 9tasida g'olib chiqqan. 2 bellashuv durang bilan tugab, bir marta "Lokomotiv" safardan yutuq bilan qaytgan. O'zaro o'yinlar borasida katta ustunlik jamoamiz tarafida ekanini ko'rish mumkin.

Uchrashuvni Baxtiyor Namozov boshqarib boradi.

21 aprel, juma

"PAXTAKOR" - "LOKOMOTIV"

Hakamlar: Baxtiyor Namozov (Toshkent), Mamur Saidqosimov (Toshkent), Ravil SHoyaxmetov (Toshkent), Jasur Muxtorov (Toshkent).

Nazoratchi: Radik Serazetdinov (Toshkent).

Yoshlar jamoalari bellashuvi 20 aprel, payshanba kuni 16:00da Qibraydagi stadionda start oladi. Asosiy jamoalar to'qnashuvi 21 aprel, juma kuni 18:00da "Paxtakor" stadionida boshlanadi.

O'yinga chiptalarni stadion kassalaridan 10 va 20 ming so'mdan xarid qilishingiz mumkin. Derbiga tashrif buyuring va bizni qo'llab-quvvatlang!