"Paxtakor" keksalarni ezozlaydi

2015 yil yurtimizda "Keksalarni ezozlash yili" deb elon qilingan. Klubimiz jamoa uchun mehnat qilib, muvaffaqiyatlarga hissa qo'shgan hamda uning shakllanishida faollik ko'rsatgan faxriylarni taqdirlab borishni yo'lga qo'ydi. "Paxtakor" - "SHo'rtan" jamoalari o'yini tanaffus paytida "Paxtakor" safida sobiq Ittifoq chempionatlarida 358 uchrashuvda maydonga tushib, 130 gol muallifiga aylangan, 1968 yil oliy ligada to'purarga aylangan va mamlakatning eng yaxshi 33 futbolchisi ro'yxatiga kiritilgan Birodar Abduraimovga klub tomonidan esdalik sovg'asi sifatida televizor taqdim etildi. Yuqori texnikasi evaziga "Paxtakor" muxlislariga xursandchilik ulashgan Abduraimov klubimiz va o'zbek futboli afsonalaridan biri hisoblanadi. Umid qilamizki, yosh futbolchilarimiz undan o'rnak olishga intilib, kelajakda u singari ishqibozlar mehrini qozonishadi.