"Paxtakor" - "Al Ahli" uchrashuviga borish uchun oltita sabab
11 mar 2019 09:00
Yangiliklar
![](https://championat.asia/upload/storage/482419_original.jpg)
![](/upload/storage/482419_220.jpg)
"Paxtakor" - "Al Ahli" uchrashuviga borish uchun oltita sabab
Mazkur bahsni stadiondan kuzatish uchun bir qator muhim sabablar bor.
Birinchidan, "Paxtakor" guruh bosqichini Tehronda "Persepolis"ga qarshi o'yin bilan boshladi. O'tgan mavsum OCHL finaliga chiqqan Eron klubi bilan bahsda ko'pchilik "sherlar" mag'lub bo'lishlarini taxmin qilgandi. Biroq amalda bunday bo'lmadi va "Paxtakor" ishonchli o'yin namoyish etib safardan muhim 1 ochko bilan qaytishga muvaffaq bo'ldi.
Ikkinchidan, "Al Ahli" nafaqat Saudiya Arabistonida balki Osiyoning eng kuchli klublaridan biri hisoblanadi. Bu jamoa 2012 yilda Osiyo chempionlar ligasi finalida o'ynagan. "Al Ahli" safida suriyalik mashhur hujumchi Umar Al Soma to'p tepadi. Uning o'yinini stadiondan turib kuzatish imkoniyatini qo'ldan boy bermang.
Uchinchidan, bu o'yin SHota Arveladze va urugvaylik Xorxe Fossati to'qnashuviga aylanadi. Urugvaylik murabbiy qo'l ostidagi jamoalar bir necha bor klublarimiz va terma jamoamizga qarshi o'ynagan. Bu safargi bahs ham qiziqarli o'tishiga shubha yo'q.
To'rtinchidan, shu kuni "Paxtakor" stadioniga kirish BEPUL. Stadionga keling va darvoza yonidan BEPUL chipta bilan o'yinga kiring. Faqatgina 32 va 35-sektor chiptalari 20 ming so'm, 33 va 34-sektor chiptalari 40 ming so'mdan.
Beshinchidan, "Paxtakor" bu o'yinda butun O'zbekiston sharafini himoya qiladi. OCHLda klublarimiz ochkolar jamg'arishda davom etishsa keyingi mavsumlarda OFK O'zbekiston klublari uchun kvotalarni oshiradi va yurtimizning boshqa klublari ham mazkur nufuzli musobaqada ishtirok etish huquqiga ega bo'lishadi. SHunday ekan, bu uchrashuvda butun O'zbekiston "Paxtakor"ga muxlislik qiladi.
Oltinchidan, ajoyib ob-havo. 12 mart kuni Toshkentda 18 daraja issiq bo'lishi kutilmoqda. O'yin kech soat 18:00da boshlanadi. Bemalol ishdan chiqib "Paxtakor" stadioniga kelishingiz mumkin.
O’xshash yangiliklar
![AMP Logo](https://championat.asia/image/logo-amp.png)
Fikrlar